ಲಂಡನ್ (ಎಎಫ್ಪಿ): ಒಲಿಂಪಿಕ್ಸ್ ಕೂಟದಲ್ಲಿ ಪಾಲ್ಗೊಂಡ ಆಫ್ಘಾನಿಸ್ತಾನದ ಏಕಮಾತ್ರ ಮಹಿಳಾ ಅಥ್ಲೀಟ್ ತಹ್ಮಿನಾ ಕೊಹಿಸ್ತಾನಿ ಅವರು ತಮ್ಮ ದೇಶದ ಇತರ ಮಹಿಳೆಯರಿಗೆ `ನೀವು ಬನ್ನಿ ನನ್ನೊಂದಿಗೆ ಸೇರಿಕೊಳ್ಳಿ~ ಎಂದು ಸಂದೇಶ ನೀಡಿದ್ದಾರೆ.
100 ಮೀ. ಓಟದ ಸ್ಪರ್ಧೆಯ ಹರ್ಡಲ್ಸ್ನಲ್ಲಿ ವೈಯಕ್ತಿಕ ಉತ್ತಮ ಪ್ರದರ್ಶನ (14.42 ಸೆ.) ನೀಡಿದ ಅವರು ತಮ್ಮ ದೇಶದ ಇನ್ನಷ್ಟು ಮಹಿಳಾ ಕ್ರೀಡಾಪಟುಗಳು ಒಲಿಂಪಿಕ್ಸ್ನಲ್ಲಿ ಪಾಲ್ಗೊಳ್ಳಬೇಕೆಂದು ಆಶಿಸಿದ್ದಾರೆ.
ಮದ್ದು ಪರೀಕ್ಷೆ: ಐವಾನ್ಗೆ ಸ್ಪರ್ಧಿಸುವ ಅವಕಾಶವಿಲ್ಲ
ಲಂಡನ್ (ಎಪಿ): 2004ರ ಅಥೆನ್ಸ್ ಒಲಿಂಪಿಕ್ಸ್ನಲ್ಲಿ ಪಡೆದಿದ್ದ ಸ್ಯಾಂಪಲ್ಗಳ ಮರುಪರೀಕ್ಷೆಯಲ್ಲಿ ಬೆಲಾರಸ್ನ ಹ್ಯಾಮರ್ ಥ್ರೋ ಸ್ಪರ್ಧಿ ಐವಾನ್ ತ್ಸಿಖಾನ್ ತಪ್ಪಿತಸ್ಥ ಎನ್ನುವುದು ಸಾಬೀತಾಗಿದೆ, ಆದ್ದರಿಂದ ಲಂಡನ್ ಕೂಟದಲ್ಲಿ ಅವರಿಗೆ ಸ್ಪರ್ಧಿಸುವ ಅವಕಾಶವಿಲ್ಲ.
ಕ್ಸಿಯಾಂಗ್ಗೆ ಗಾಯ
ಲಂಡನ್ (ಐಎಎನ್ಎಸ್): ಅಥೆನ್ಸ್ ಒಲಿಂಪಿಕ್ಸ್ನಲ್ಲಿ ಪುರುಷರ 110 ಮೀ. ಹರ್ಡಲ್ಸ್ನಲ್ಲಿ ಚಾಂಪಿಯನ್ ಆಗಿದ್ದ ಚೀನಾದ ಲಿಯು ಕ್ಸಿಯಾಂಗ್ ಅವರು ಗಾಯಗೊಂಡಿದ್ದಾರೆ. `ಪಾದದ ನೋವಿನಿಂದ ಕ್ಸಿಯಾಂಗ್ ಬಳಲಿದ್ದಾರೆ. ಆದ್ದರಿಂದ ನಾವೀಗ ಸ್ವಲ್ಪ ಆತಂಕಗೊಂಡಿದ್ದೇವೆ~ ಎಂದು ಕೋಚ್ ಸುನ್ ಹೈಪಿಂಗ್ ಹೇಳಿದ್ದಾರೆ.