ಹೇರಳವಾದ ಸಂಪತ್ತು ಇದ್ದ ಮಾತ್ರಕ್ಕೆ ಜೀವನ ಸಂತೋಷದಾಯಕವಾಗಿರುತ್ತದೆ ಎನ್ನುವುದು ಕೆಲವರ ಭ್ರಮೆ. ನೆಮ್ಮದಿಯ ಜೀವನಕ್ಕೆ ಶ್ರೀಮಂತಿಕೆಗಿಂತಲೂ ಸ್ವಾವಲಂಬನೆ ಹಾಗೂ ಸ್ವಾತಂತ್ರ್ಯ ಬಹುಮುಖ್ಯ ಎಂದು ನೂತನ ಸಂಶೋಧನೆಯೊಂದು ಹೇಳಿದೆ.
|
ಈ ವಿಷಯ ಕುರಿತಂತೆ ನ್ಯೂಜಿಲೆಂಡ್ನ ವೆಲ್ಲಿಗ್ಟನ್ನಲ್ಲಿರುವ ವಿಕ್ಟೋರಿಯಾ ವಿಶ್ವವಿದ್ಯಾಲಯದ ಸಂಶೋಧಕರು ಮೂರು ಪ್ರತ್ಯೇಕ ಅಧ್ಯಯನ ಕೈಗೊಂಡಿದ್ದರು. ಇದರಲ್ಲಿ 63 ದೇಶಗಳ 420,000 ಕ್ಕೂ ಹೆಚ್ಚು ಮಂದಿಯನ್ನು ಸಮೀಕ್ಷೆಗೊಳಪಡಿಸಲಾಗಿತ್ತು. `ಹಣವು ಸ್ವಾಯತ್ತತೆಗೆ ಕಾರಣವಾಗುತ್ತದೆಯೇ ವಿನಾ ಸಂತೋಷ ಅಥವಾ ನೆಮ್ಮದಿಯನ್ನು ನೀಡುವುದಿಲ್ಲ~ ಎನ್ನುವುದು ಸಂಶೋಧನೆಯಲ್ಲಿ ಕಂಡುಕೊಂಡ ಸತ್ಯ.
ಈ ಸಂಶೋಧನೆಯ ಭಾಗವಾಗಿ ವ್ಯಕ್ತಿಗಳನ್ನು ಮೂರು ವಿಭಿನ್ನ ಬಗೆಯ ಮಾನಸಿಕ ಪರೀಕ್ಷೆಗಳಿಗೆ ಒಳಪಡಿಸಲಾಗಿತ್ತು. ಖಿನ್ನತೆ, ನಿದ್ರಾಹೀನತೆ, ಸಾಮಾಜಿಕ ತೊಂದರೆಗಳು, ಮಾನಸಿಕ ಒತ್ತಡದಿಂದಾಗಿ ಬರುವ ತಲೆನೋವು ಹಾಗೂ ಹೊಟ್ಟೆನೋವು...ಇತ್ಯಾದಿ ಅಂಶಗಳನ್ನು ಈ ಸಂದರ್ಭದಲ್ಲಿ ಗುರುತಿಸಲಾಗಿತ್ತು.
`ನೆಮ್ಮದಿ, ಶಾಂತಿ, ಸಂತೋಷ ಇರುವುದು ಸ್ವಾವಲಂಬನೆ ಹಾಗೂ ಸ್ವಾತಂತ್ರ್ಯದಲ್ಲಿಯೇ ಹೊರತೂ ಶ್ರೀಮಂತಿಕೆಯಲ್ಲಿ ಅಲ್ಲ ಎಂಬುದು ಅಧ್ಯಯನದಿಂದ ಸಾಬೀತಾಯಿತು~ ಎನ್ನುತ್ತಾರೆ ಮನಃಶಾಸ್ತ್ರಜ್ಞರಾದ ರೊನಾಲ್ಡ್ ಪಿಶರ್ ಹಾಗೂ ಡಯಾನಾ ಬೋರ್.
(ನ್ಯೂಯಾರ್ಕ್ ಟೈಮ್ಸ )