ಗಿಡುಗನ ಕೈಯಲ್ಲಿ
ಸರ್ವಾಧಿಕಾರ ರೋಸಿ
ಹೋಯಿತು ಪಕ್ಷಿಸಂಕುಲ
ನಡೆಯಿತೆಲ್ಲಡೆ ಪ್ರತಿಭಟನೆ
ಕಿತ್ತುಕೊಂಡವು ಗಿಡುಗನ
ಕೈಯಿಂದ ಅಧಿಕಾರ
ಪಕ್ಷಿತಂತ್ರದಾ ಅಡಿಯಲ್ಲಿ
ನಡೆಯಿತು ಚುನಾವಣೆ
ಚುರುಕಾಗಿ
ಕಾಗೆ ಕೋಗಿಲೆ ಗಿಳಿರಾಣಿ
ಮುಖ್ಯ ಅಭ್ಯರ್ಥಿಗಳಾಗಿ
ನಿಂತವು ಚುನಾವಣೆ ಕಣದಲ್ಲಿ
ಮತದಾನ, ಮತ ಎಣಿಕೆ
ಮುಗಿದಾಯ್ತು, ಗಿಳಿರಾಣಿ
ಮುಖ್ಯಮಂತ್ರಿ ಆಗಿತ್ತು
ವಿರೋಧ ಪಕ್ಷದ ನಾಯಕನಾಗಿ
ಕಾಗೆ ಕೂಗಿತು `ಕಾವ್ ಕಾವ್~,
ಗಿಡುಗನ ಅಟ್ಟಿದವು ಬೆಟ್ಟಕ್ಕೆ
`ಗಿಡ ಉಳಿಸಿ ಬೆಳೆಸಿ~ ಮಂತ್ರದ
ಘೋಷಣೆಯೊಂದಿಗೆ
ಸರಕಾರ ನಡೆಯಿತು ಸೊಗಸಾಗಿ
