ಇಸ್ಲಾಮಾಬಾದ್ (ಪಿಟಿಐ): 2008ರಲ್ಲಿ ನಡೆದ ಮುಂಬೈ 26/11ರ ದಾಳಿ ಪ್ರಕರಣದ ತನಿಖೆ ನಡೆಸಲು ಭಾರತಕ್ಕೆ ಸೆಪ್ಟೆಂಬರ್ 21ರಂದು ಬರಲಿರುವ ಪಾಕಿಸ್ತಾನದ ನ್ಯಾಯಾಂಗ ಆಯೋಗಕ್ಕೆ ಭಾರತ ಬುಧವಾರ ವೀಸಾ ನೀಡಿದೆ.
8 ಮಂದಿಯನ್ನು ಒಳಗೊಂಡ ಪಾಕ್ ನ್ಯಾಯಾಂಗ ಆಯೋಗವು 45 ದಿನಗಳ ವೀಸಾ ನೀಡುವಂತೆ ಭಾರತವನ್ನು ಕೋರಿತ್ತು ಆದರೆ ಅದನ್ನು ತಿರಸ್ಕರಿಸಿರುವ ಭಾರತ ಹೈ ಕಮಿಷನ್ 7 ದಿನಗಳ ವೀಸಾ ನೀಡಿದೆ. ಅಲ್ಲದೇ ತನಿಖೆ ನಡೆಸಲು ಮುಂಬೈ, ದೆಹಲಿ, ಆಗ್ರಾ ಹಾಗೂ ಅಮೃತಸರಗಳಿಗೂ ಭೇಟಿ ನೀಡಬಹುದು ಎಂದು ಭಾರತ ಹೇಳಿದೆ.