ಇಸ್ಲಾಮಾಬಾದ್ (ಪಿಟಿಐ): ಬಾಲಿವುಡ್ ನಟಿ ಕರೀನಾ ಕಪೂರ್ ಪಾಕಿಸ್ತಾನದಲ್ಲಿ ಭಾರಿ ಬೇಡಿಕೆಯ ಮೊಬೈಲ್ ಬ್ರ್ಯಾಂಡ್, ‘ಕ್ಯೂ ಮೊಬೈಲ್ಸ್’ ಕಂಪೆನಿಯ ರಾಯಭಾರಿ ಯಾಗಿ ಕಾರ್ಯನಿರ್ವಹಿಸಲಿದ್ದಾರೆ.
‘ಕರೀನಾ ಅವರು ಹೆಚ್ಚಿನ ಅಭಿಮಾನಿ ಬಳಗ ಹೊಂದಿರುವುದರಿಂದ ಅವರನ್ನು ಕಂಪೆನಿ ರಾಯಭಾರಿಯಾಗಿ ಆಯ್ಕೆ ಮಾಡಲಾಗಿದ್ದು, ದೇಶದ ಮೊಬೈಲ್ ಮಾರಾಟ ವಲಯದಲ್ಲೇ ಇದು ಅತ್ಯಂತ ದುಬಾರಿ ಜಾಹೀರಾತಾಗಿದೆ’ ಎಂದು ಕಂಪೆನಿಯ ಮುಖ್ಯ ಮಾರುಕಟ್ಟೆ ಅಧಿಕಾರಿ ಜೀಷಾನ್ ಖುರೇಶಿ ಹೇಳಿದ್ದಾರೆ.
ಭಾರತದ ಮತ್ತೊಬ್ಬ ನಟಿ ಜ್ಯೂಹಿ ಚಾವ್ಲಾ ಸಹ ಪಾಕ್ನಲ್ಲಿ ಖಾದ್ಯ ತೈಲದ ಜಾಹೀರಾತಿನಲ್ಲಿ ಕಾಣಿಸಿಕೊಂಡಿದ್ದಾರೆ.