ನವದೆಹಲಿ (ಪಿಟಿಐ): ಮಹತ್ವಪೂರ್ಣ ದ್ವಿಪಕ್ಷೀಯ ಮಾತುಕತೆ ಪುನರಾ ರಂಭಕ್ಕೆ ಭಾರತ ಮತ್ತು ಪಾಕಿಸ್ತಾನ ನಿರ್ಧರಿಸಿರುವ ಬೆನ್ನಲ್ಲೇ ಕೇಂದ್ರ ಗೃಹ ಕಾರ್ಯದರ್ಶಿ ಜಿ.ಕೆ. ಪಿಳ್ಳೈ, ಮುಂಬೈ ಮೇಲಿನ ಉಗ್ರರ ದಾಳಿಯ ವಿಚಾ ರಣಾ ಪ್ರಗತಿ ಸೇರಿ ಭಯೋತ್ಪಾದನೆ ನಿಗ್ರಹದ ಕುರಿತು ಚರ್ಚೆಗಾಗಿ ಮುಂದಿನ ತಿಂಗಳು ಇಲ್ಲಿಗೆ ಆಗಮಿಸುವಂತೆ ತಮ್ಮ ಪಾಕ್ ಸಹವರ್ತಿಗೆ ಆಹ್ವಾನ ನೀಡಿದ್ದಾರೆ.
ಮಾರ್ಚ್ ಎರಡನೇ ವಾರದಲ್ಲಿ ಸಭೆಯೊಂದನ್ನು ನಡೆಸುವ ಬಗ್ಗೆ ಎರಡು ದಿನಾಂಕ ನಿಗದಿಪಡಿಸಿ ಪಾಕ್ ಆಂತರಿಕ ಭದ್ರತಾ (ಗೃಹ) ಕಾರ್ಯದರ್ಶಿ ಚೌಧರಿ ಖಮರ್ ಜಮಾನ್ ಅವರಿಗೆ ಈ ವಾರವೇ ತಾವು ಪ್ರಸ್ತಾವ ಕಳುಹಿಸುವುದಾಗಿ ಅವರು ಭಾನುವಾರ ಇಲ್ಲಿ ಸುದ್ದಿಸಂಸ್ಥೆಗೆ ತಿಳಿಸಿದರು.
