ಬಾಲಸೋರ್ (ಒಡಿಶಾ): ಅಣ್ವಸ್ತ್ರ ಹೊತ್ತೊಯ್ಯಬಹುದಾದ ಖಂಡಾಂತರ ಕ್ಷಿಪಣಿ ಪೃಥ್ವಿ-2ರ ಪ್ರಯೋಗಾರ್ಥ ಪರೀಕ್ಷೆಯನ್ನು ಗುರುವಾರ ಇಲ್ಲಿನ ಚಂಡೀಪುರದಲ್ಲಿ ಯಶಸ್ವಿಯಾಗಿ ನಡೆಸಲಾಯಿತು.
ಸ್ಥಳೀಯವಾಗಿ ನಿರ್ಮಿಸಲಾಗಿರುವ ಈ ಕ್ಷಿಪಣಿಯ ಪರೀಕ್ಷೆಯನ್ನು ಸೇನೆಯು ಬೆಳಿಗ್ಗೆ 9.05ರ ವೇಳೆಯಲ್ಲಿ ನಡೆಸಿತು ಎಂದು ರಕ್ಷಣಾ ಇಲಾಖೆಯ ಮೂಲಗಳು ತಿಳಿಸಿವೆ.
`ಈ ಹಿಂದೆಯೂ ಕ್ಷಿಪಣಿ-2ರ ಸಾಮರ್ಥ್ಯವನ್ನು ಪ್ರಯೋಗಾರ್ಥವಾಗಿ ಪರೀಕ್ಷಿಸಲಾಗಿತ್ತು. ಈಗಾಗಲೇ ಇಂತಹ ಹಲವು ಪರೀಕ್ಷೆಗಳನ್ನು ಯಶಸ್ವಿಯಾಗಿ ಪೂರೈಸಲಾಗಿದೆ~ ಎಂದು ಹೇಳಿವೆ.
`ಇದೊಂದು ಸೇನೆಯ ಎಂದಿನ ಪ್ರಯೋಗ ಪರೀಕ್ಷೆ~ ಎಂದು ರಕ್ಷಣಾ ಸಂಶೋಧನಾ ಮತ್ತು ಅಭಿವೃದ್ಧಿ ಸಂಘಟನೆಯ ಅಧಿಕಾರಿಗಳು ತಿಳಿಸಿದ್ದಾರೆ.
ಪೃಥ್ವಿ-2 ಕ್ಷಿಪಣಿಯು 250ರಿಂದ 350 ಕೆ.ಜಿ ತೂಕದ ಯುದ್ಧಾಸ್ತ್ರಗಳ ಭಾರವನ್ನು ಸುಮಾರು 500 ರಿಂದ 1 ಸಾವಿರ ಕಿ.ಮೀವರೆಗೆ ಹೊತ್ತೊಯ್ಯುವ ಸಾಮರ್ಥ್ಯ ಹೊಂದಿದೆ.