ನವದೆಹಲಿ (ಪಿಟಿಐ): ಪೆಟ್ರೋಲ್ ದರವನ್ನು ಲೀಟರ್ಗೆ ರೂ 1.63 ಹೆಚ್ಚಿಸಲಾಗಿದೆ. ಹೊಸ ದರ ಶುಕ್ರವಾರ ಮಧ್ಯರಾತ್ರಿಯಿಂದಲೇ ಜಾರಿಗೆ ಬಂದಿದೆ.
ಈ ದರವು ಸ್ಥಳೀಯ ಮಾರಾಟ ತೆರಿಗೆ ಅಥವಾ ವ್ಯಾಟ್ ಹೊರತುಪಡಿಸಿದ್ದು, ಗ್ರಾಹಕರನ್ನು ತಲುಪುವಾಗ ಇವುಗಳನ್ನು ಸೇರಿಸಿ ಇನ್ನೂ ಹೆಚ್ಚಳವಾಗಲಿದೆ. ಕಳೆದ ಜೂನ್ನಿಂದ ಸತತ ಏಳನೇ ದರ ಏರಿಕೆ ಇದಾಗಿದೆ.
ತೈಲ ಬೆಲೆ ಏರಿಕೆ ಮತ್ತು ರೂಪಾಯಿ ಮೌಲ್ಯ ಕುಸಿತದ ಹಿನ್ನೆಲೆಯಲ್ಲಿ ದರ ಏರಿಕೆ ನಿರ್ಧಾರ ಮಾಡಲಾಗಿದೆ ಎಂದು ತೈಲ ಸಂಸ್ಥೆಗಳು ತಿಳಿಸಿವೆ. ಈ ಮಧ್ಯೆ, ಶೀಘ್ರವೇ ಡೀಸೆಲ್ ದರ ಲೀಟರ್ಗೆ ರೂ 35, ಸೀಮೆಎಣ್ಣೆ ಲೀಟರ್ಗೆ ರೂ 2 ಹಾಗೂ ಎಲ್ಪಿಜಿ ಸಿಲಿಂಡರ್ಗೆ ರೂ 50 ಏರಿಕೆಯಾಗುವ ನಿರೀಕ್ಷೆಯಿದೆ.