ಕೋಲಾರ: ಸಂಕ್ರಾಂತಿ ಹಬ್ಬ ಹೊಸ್ತಿಲಲ್ಲಿರುವ ಹೊತ್ತಿನಲ್ಲಿ ಕೋಲಾರ ಚಿಕ್ಕಬಳ್ಳಾಪುರ ಹಾಲು ಉತ್ಪಾದಕರ ಸಹಕಾರ ಸಂಘಗಳ ಒಕ್ಕೂಟವು ರೈತರಿಗೆ ವಿಶೇಷ ಕೊಡುಗೆಯನ್ನು ಪ್ರಕಟಿಸಿದೆ. ರೈತರಿಂದ ಪಡೆಯುವ ಪ್ರತಿ ಲೀಟರ್ ಹಾಲಿಗೆ ₨ 2 ವಿಶೇಷ ದರವನ್ನು ನೀಡಲಿದೆ. ಈ ಕೊಡುಗೆ ಜ.1ರಿಂದ ಮಾ.31ರವರೆಗೆ ಜಾರಿಯಲ್ಲಿರುತ್ತದೆ ಎಂದು ಕೋಮುಲ್ ಅಧ್ಯಕ್ಷ ಕೆ.ಗುಡಿಯಪ್ಪ ತಿಳಿಸಿದ್ದಾರೆ.
ನೂತನ ವರ್ಷದ ಪ್ರಾರಂಭದಲ್ಲಿ ಹಾಲಿನ ದರ ಪರಿಷ್ಕರಣೆ ಮಾಡುವ ಪದ್ಧತಿಯ ಬಗ್ಗೆ ಗುರುವಾರ ಒಕ್ಕೂಟದ ಆಡಳಿತ ಮಂಡಳಿ ಸಭೆಯಲ್ಲಿ ಚರ್ಚಿಸಿ ಈ ತೀರ್ಮಾನವನ್ನು ಕೈಗೊಳ್ಳಲಾಗಿದೆ. ಪ್ರತಿ ಲೀಟರಿನಲ್ಲಿ ಶೇ.3.5 ರಿಂದ ಶೇ 3.7 ಜಿಡ್ಡಿನಾಂಶವಿರುವ ಹಾಲನ್ನು ಪೂರೈಸಿದವರಿಗೆ ಮಾತ್ರ ಈ ದರ ಅನ್ವಯವಾಗುತ್ತದೆ. ಮಾರುಕಟ್ಟೆಯಲ್ಲಿ ಹಾಲು ಉತ್ಪನ್ನಗಳ ದರ ಹೆಚ್ಚಳವಾಗಿದೆ.