ನ್ಯೂಯಾರ್ಕ್‌ (ಪಿಟಿಐ): ಭಾರತ ನೀಡಿರುವ ತೀಕ್ಷ್ಣ ಹೇಳಿಕೆಗೆ ಪ್ರತಿಕ್ರಿಯೆ ನೀಡಲು ಅಮೆರಿಕದ ಅಟಾರ್ನಿ ಪ್ರೀತ್‌ ಬರಾರ ಅವರ ಕಚೇರಿ ನಿರಾಕರಿಸಿದೆ.
ಪ್ರತಿಕ್ರಿಯೆಗಾಗಿ ಬರಾರ ಅವರನ್ನು ಸಂಪರ್ಕಿಸಲು ಯತ್ನಿಸಿದಾಗ, ‘ಅವರು ಇಲ್ಲಿ ಲಭ್ಯರಿಲ್ಲ. ಭಾರತ ಸರ್ಕಾರದ ಹೇಳಿಕೆಗೆ ನಾವು ಯಾವುದೇ ಪ್ರತಿಕ್ರಿಯೆ ನೀಡುವುದಿಲ್ಲ’ ಎಂಬ ಉತ್ತರ ಕಚೇರಿಯಿಂದ ಬಂತು.
ದೇವಯಾನಿ ಖೋಬ್ರಾಗಡೆ ಅವರ ಮೇಲೆ ಹೊರಿಸಿದ್ದ ಆರೋಪಗಳು ಮತ್ತು ಬಂಧನದ ಸಂದರ್ಭದಲ್ಲಿ ಅವರನ್ನು ನಡೆಸಿಕೊಂಡ ರೀತಿಯನ್ನು ಬರಾರ ಸಮರ್ಥಿಸಿಕೊಂಡಿದ್ದರು.
