ಟೊಕಿಯೋ (ಎಪಿ): ಕಳೆದ ವರ್ಷ ಸುನಾಮಿಯಿಂದ ಫುಕುಷಿಮಾ ಪರಮಾಣು ಸ್ಥಾವರದಿಂದ ವಿಕಿರಣ ಹೊರಸೂಸಿದ ಪರಿಣಾಮ ಕೆಲವೊಂದು ಜಾತಿಯ ಚಿಟ್ಟೆಗಳಲ್ಲಿ ಹಠಾತ್ ಬದಲಾವಣೆಯಾಗಿದ್ದಲ್ಲದೇ ಸ್ಥಳೀಯ ಪರಿಸರಕ್ಕೆ ಹಾನಿಯಾಗಿದೆ ಎಂದು ಸಂಶೋಧಕರು ಹೇಳಿದ್ದಾರೆ.
`ವಿಕಿರಣ ಸೂಸುವಿಕೆಯಿಂದ ಚಿಟ್ಟೆಗಳ ಕಣ್ಣುಗಳಿಗೆ ಹಾನಿಯಾಗಿದೆ ಮತ್ತು ಅವುಗಳ ರೆಕ್ಕೆ ಕಿರಿದಾಗಿದೆ. ಅಲ್ಲದೇ ಇದು ಇವುಗಳಲ್ಲಿ ವಂಶವಾಹಿಗಳ ಬದಲಾವಣೆಗೂ ಕಾರಣವಾಗಲಿದೆ~ ಎಂದು ಸಂಶೋಧನಾ ತಂಡದ ಮುಖ್ಯಸ್ಥರಾದ ಜೊಜಿ ಒಟಾಕಿ ತಿಳಿಸಿದ್ದಾರೆ. ವಿಕಿರಣದ ಪ್ರಭಾವವು ಮನುಷ್ಯರ ಮೇಲೆ ಪರಿಣಾಮ ಬೀರಿದೆಯೇ ಎನ್ನುವುದನ್ನು ಅವರು ಸ್ಪಷ್ಟಪಡಿಸಿಲ್ಲ.