ಚಿಕ್ಕಬಳ್ಳಾಪುರ: ತಾಲ್ಲೂಕಿನಲ್ಲಿ ಮೊದಲ ಹಂತದ ಪೋಲಿಯೊ ಲಸಿಕೆ ಕಾರ್ಯಕ್ರಮ ಫೆ.19 ರಿಂದ 22ರವರೆಗೆ ಮತ್ತು ಎರಡನೇ ಹಂತದಲ್ಲಿ ಏಪ್ರಿಲ್ 1 ರಿಂದ 14ರವರೆಗೆ ನಡೆಯಲಿದೆ ಎಂದು ತಾಲ್ಲೂಕು ವೈದ್ಯಾಧಿಕಾರಿ ಡಾ.ಮಿತ್ರಣ್ಣ ತಿಳಿಸಿದರು.
ನಗರದ ತಾಲ್ಲೂಕು ಪಂಚಾಯಿತಿ ಸಭಾಂಗಣದಲ್ಲಿ ಬುಧವಾರ ನಡೆದ ಆರೋಗ್ಯ ಇಲಾಖೆ ಅಧಿಕಾರಿಗಳ ಮತ್ತು ಸಿಬ್ಬಂದಿ ಸಭೆಯಲ್ಲಿ ಮಾತನಾಡಿ, `ಫೆಬ್ರುವರಿ ಮತ್ತು ಏಪ್ರಿಲ್ ತಿಂಗಳಲ್ಲಿ ಬೂತ್ ಮಟ್ಟದಲ್ಲಿ ಪೋಲಿಯೊ ಲಸಿಕೆ ಕಾರ್ಯಕ್ರಮ ನಡೆಯಲಿದೆ~ ಎಂದರು.
`ತಾಲ್ಲೂಕಿನಲ್ಲಿ 5 ವರ್ಷದ ಒಳಗಿನ ನಗರ ಪ್ರದೇಶದ 7200 ಮತ್ತು ಗ್ರಾಮೀಣ ಪ್ರದೇಶದ 18,511 ಮಕ್ಕಳು ಸೇರಿದಂತೆ ಒಟ್ಟು 25,677 ಮಕ್ಕಳಿಗೆ ಪೋಲಿಯೊ ಲಸಿಕೆ ಹಾಕಲಾಗುವುದು.
ನಗರಪ್ರದೇಶದ 34 ಮತ್ತು ಗ್ರಾಮೀಣ ಪ್ರದೇಶದ 74 ಬೂತ್‌ಗಳು ಸೇರಿದಂತೆ 108 ಬೂತ್‌ಗಳು ಸ್ಥಾಪಿಸಲಾಗುವುದು.
ಒಟ್ಟು 432 ಕಾರ್ಯಕರ್ತರು ಮತ್ತು 28 ಮೇಲ್ವಿಚಾರಕರು ಕಾರ್ಯಕ್ರಮದಲ್ಲಿ ಭಾಗ ವಹಿಸಲಿದ್ದಾರೆ~ ಎಂದು ಅವರು ತಿಳಿಸಿದರು.
