ಢಾಕಾ(ಪಿಟಿಐ): ಬಾಂಗ್ಲಾದಲ್ಲಿ ಭಾನುವಾರ(ಜ.12) ಹೊಸ ಸಚಿವ ಸಂಪುಟ ರಚನೆಯಾಗಲಿದ್ದು, ನೂತನ ಸಚಿವರಿಗೆ ಅಧ್ಯಕ್ಷ ಅಬ್ದುಲ್ ಹಮೀದ್ ಪ್ರಮಾಣ ವಚನ ಬೋಧಿಸಲಿದ್ದಾರೆ ಎಂದು ಮೂಲಗಳು ತಿಳಿಸಿವೆ.
ಈ ಹಿಂದೆ ಭ್ರಷ್ಟಾಚಾರದಲ್ಲಿ ಭಾಗಿಯಾಗಿದ್ದ ಕೆಲ ಸಚಿವರನ್ನು ಪ್ರಧಾನಿ ಶೇಖ್ ಹಸೀನಾ ಅವರು ಈ ಬಾರಿ ಸಚಿವ ಸಂಪುಟದಿಂದ ಕೈಬಿಡಲಿದ್ದು, ಸದ್ಯ 30 ಸದಸ್ಯರಿರುತ್ತಾರೆ ಎಂದು ತಿಳಿದು ಬಂದಿದೆ.
ತನಿಖೆಗೆ ವಿಶೇಷ ನ್ಯಾಯಾಲಯ: ದೇಶದಲ್ಲಿ ಹಿಂದೂಗಳ ಮೇಲೆ ನಡೆಯುತ್ತಿರುವ ದಾಳಿ ಮುಂದುವರಿದಿದ್ದು, ದಾಳಿಯ ತನಿಖೆ ನಡೆಸಲು ‘ವಿಶೇಷ ನ್ಯಾಯಾಲಯ’ ರಚಿಸಲು ಬಾಂಗ್ಲಾದೇಶ ಸರ್ಕಾರ ಗುರುವಾರ ನಿರ್ಧರಿಸಿದೆ.