ವಿಶೇಷವಾದ ರೀತಿಯಲ್ಲಿ ಹೆರಳನ್ನು ಸಿಂಗರಿಸಲು ಬೇಕಾಗುವ ಬಾಚಣಿಗೆ ಬಳಕೆ ಆರಂಭವಾಗಿದ್ದು ನ್ಯೂ ಗಿನಿಯಲ್ಲಿ ಎನ್ನಲಾಗುತ್ತದೆ. ಅಲ್ಲಿನ ಜನರ ಕೂದಲು ತುಂಬಾ ಒರಟಾಗಿದ್ದರಿಂದ ಅವರು ಬಾಚಣಿಗೆಯಂಥ ವಸ್ತುವನ್ನು ಕಂಡು ಹಿಡಿದು ಅದರಿಂದ ತಮ್ಮ ಕೂದಲನ್ನು ಬಾಚಿಕೊಳ್ಳುತ್ತಿದ್ದರಂತೆ. ಅವರು ಎಮ್ಮೆಯ ಕೊಂಬಿನಿಂದ ಬಾಚಣಿಗೆ ತಯಾರಿಸಿದ್ದರಂತೆ.
ಪುರಾತನ ಕಾಲದಲ್ಲಿ ಮೂಳೆ, ಪ್ರಾಣಿಗಳ ಹಲ್ಲು, ಮರದಿಂದ ಬಾಚಣಿಕೆ ತಯಾರಿಸಲಾಗುತ್ತಿತ್ತು. ಈಜಿಪ್ಟಿಯನ್ನರು ಬಳಸಿದ ಆನೆದಂತ ಮತ್ತು ಬೀಟೆ ಮರದಿಂದ ಮಾಡಿದ ಬಾಚಣಿಗೆಗಳನ್ನು ನ್ಯೂಯಾರ್ಕ್ನ ಮೆಟ್ರೊಪಾಲಿಟನ್ ಮ್ಯೂಸಿಯಂನಲ್ಲಿ ನೋಡಬಹುದು.
ಏಷ್ಯಾದ ಭಾಗಗಳಲ್ಲಿ ಬಿದಿರಿನಿಂದ ಮಾಡುತ್ತಿದ್ದ ಬಾಚಣಿಗೆಗಳ ಬಳಕೆ ಇದ್ದರೆ, ಪೊಲಿನೇಷಿಯಾದಲ್ಲಿ ತೆಂಗಿನಿಂದ ಬಾಚಣಿಗೆ ಮಾಡುತ್ತಿದ್ದರು.