ನವದೆಹಲಿ (ಪಿಟಿಐ): ಸೇನಾಪಡೆಯ 25ನೇ ಮುಖ್ಯಸ್ಥರಾಗಿ ಜನರಲ್ ಬಿಕ್ರಂ ಸಿಂಗ್ ಗುರುವಾರ ಅಧಿಕಾರ ವಹಿಸಿಕೊಂಡರು.
ಜನರಲ್ ವಿ.ಕೆ.ಸಿಂಗ್ ಅವರ ನಿವೃತ್ತಿಯ ಹಿನ್ನೆಲೆಯಲ್ಲಿ ತೆರವಾದ ಸ್ಥಾನಕ್ಕೆ ನೇಮಕಗೊಂಡಿರುವ 59 ವರ್ಷದ ಬಿಕ್ರಂ ಸಿಂಗ್ ಅವರ ಅಧಿಕಾರಾವಧಿ ಎರಡು ವರ್ಷ ಮೂರು ತಿಂಗಳು.
ಈ ಮುನ್ನ ಅವರು ಕೋಲ್ಕತ್ತ ಕೇಂದ್ರವಾಗಿರುವ ಪೂರ್ವ ಸೇನಾ ಕಮಾಂಡ್ನ ಮುಖ್ಯಸ್ಥರಾಗಿ ಕಾರ್ಯ ನಿರ್ವಹಿಸುತ್ತಿದ್ದರು.
ಸ್ನೇಹಿತರಿಂದ `ಬಿಕ್ಕಿ~ ಎಂದು ಕರೆಸಿಕೊಳ್ಳುವ ಬಿಕ್ರಂ, 1972ರ ಮಾರ್ಚ್ 31ರಂದು ಸಿಖ್ ಲಘು ಪದಾತಿದಳಕ್ಕೆ ಸೇರ್ಪಡೆಗೊಂಡಿದ್ದರು.