ನವದೆಹಲಿ (ಪಿಟಿಐ): ಪಿ. ಕಶ್ಯಪ್ ಮತ್ತು ಅದಿತಿ ಮುಟತ್ಕರ್ ವಿಯೆನ್ನಾದಲ್ಲಿ ನಡೆಯುತ್ತಿರುವ ಆಸ್ಟ್ರಿಯನ್ ಇಂಟರ್ನ್ಯಾಷನಲ್ ಚಾಲೆಂಜ್ ಬ್ಯಾಡ್ಮಿಂಟನ್ ಟೂರ್ನಿಯಲ್ಲಿ ಕ್ರಮವಾಗಿ ಪುರುಷರ ಹಾಗೂ ಮಹಿಳೆಯರ ವಿಭಾಗದ ಕ್ವಾರ್ಟರ್ ಫೈನಲ್ ಪ್ರವೇಶಿಸಿದರು.
ಶುಕ್ರವಾರ ನಡೆದ ಪುರುಷರ ವಿಭಾಗದ ಪಂದ್ಯದಲ್ಲಿ ಭಾರತದ ಆಟಗಾರ 21-18, 21-12 ರಲ್ಲಿ ಡೆನ್ಮಾರ್ಕ್ನ ಎಮಿಲ್ ಹಾಸ್ಟ್ ಎದುರು ಗೆದ್ದರು. ಅದಿತಿ 22-20, 22-20 ರಲ್ಲಿ ಬೆಲಾರಸ್ನ ಅಲೇಸಿಯಾ ಜೆಟ್ಸಾವ ಅವರನ್ನು ಮಣಿಸಿದರು.
ಮಹಿಳೆಯರ ವಿಭಾಗದಲ್ಲಿ ಕಣದಲ್ಲಿದ್ದ ಭಾರತದ ಇತರ ಸ್ಪರ್ಧಿಗಳಾದ ನೇಹಾ ಪಂಡಿತ್ ಮತ್ತು ಪಿ.ಸಿ. ತುಳಸಿ ಎರಡನೇ ಸುತ್ತಿನಲ್ಲಿ ಸೋಲು ಅನುಭವಿಸಿದರು.