ಬೆಂಗಳೂರು: ಕರ್ನಾಟಕ ತಂಡದಲ್ಲಿದ್ದ ಬಾಲ್ಡ್ವಿನ್ ಬಾಲಕಿಯರ ಪ್ರೌಢ ಶಾಲೆ ತಂಡದವರು ಕೇರಳದ ಇರಿಂಜಲಕುಡದಲ್ಲಿ ನಡೆದ ಕ್ರೈಸ್ಟ್ ವಿದ್ಯಾನಿಕೇತನ ಶಾಲೆ ಆಶ್ರಯದ ಹದಿನೈದನೇ ಐಸಿಎಸ್ಸಿಇ/ಐಎಸ್ಸಿ ರಾಷ್ಟ್ರೀಯ ಬ್ಯಾಸ್ಕೆಟ್ಬಾಲ್ ಚಾಂಪಿಯನ್ಷಿಪ್ನ ಬಾಲಕಿಯರ ವಿಭಾಗದ ಪ್ರಶಸ್ತಿ ಗೆದ್ದುಕೊಂಡರು.
ಕಳೆದ ವಾರಂತ್ಯ ಮುಕ್ತಾಯಗೊಂಡ ಈ ಟೂರ್ನಿಯ ಬಾಲಕಿಯರ ವಿಭಾಗದ ಫೈನಲ್ನಲ್ಲಿ ಕರ್ನಾಟಕದ ಬಾಲ್ಡ್ವಿನ್ ಬಾಲಕಿಯರ ಪ್ರೌಢ ಶಾಲೆ ತಂಡ 44-24 ರಲ್ಲಿ ಕೇರಳ ತಂಡವನ್ನು ಮಣಿಸಿತು. ಇದಕ್ಕೆ ಮೊದಲು ನಡೆದ ಸೆಮಿಫೈನಲ್ನಲ್ಲಿ ಬಾಲ್ಡ್ವಿನ್ ಶಾಲೆ 31-15 ರಲ್ಲಿ ಮಹಾರಾಷ್ಟ್ರ ತಂಡವನ್ನು ಮಣಿಸಿತು.
ಲೀಗ್ ಪಂದ್ಯಗಳಲ್ಲಿ ಬಾಲ್ಡ್ವಿನ್ ಶಾಲೆ ತಂಡದವರು ಎರಡು ಪಂದ್ಯಗಳನ್ನು ಗೆದ್ದು ಸೆಮಿಫೈನಲ್ಗೆ ಪ್ರವೇಶಿಸಿದರು. ಲೀಗ್ನಲ್ಲಿ ಬಾಲ್ಡ್ವಿನ್ ಶಾಲೆ 35-17 ರಲ್ಲಿ ಜಾರ್ಖಂಡ್ ಮೇಲೂ, 11-29 ರಲ್ಲಿ ಆಂಧ್ರಪ್ರದೇಶ ವಿರುದ್ಧವೂ ಗೆಲುವು ಪಡೆಯಿತು. ಕೇರಳ ತಂಡ 21-18 ರಲ್ಲಿ ಬಾಲ್ಡ್ವಿನ್ ಶಾಲೆ ತಂಡವನ್ನು ಸೋಲಿಸಿತು.