ಹ್ಯೂಸ್ಟನ್‌ (ಪಿಟಿಐ): ಮಿದುಳಿನ ಕಾರ್ಯನಿರ್ವಹಣೆ ಬಗ್ಗೆ ಸಂಶೋಧನೆ ನಡೆಸುವುದಕ್ಕಾಗಿ ಭಾರತ ಮೂಲದ ನರವಿಜ್ಞಾನಿ ಖಲೀಲ್‌ ರಜಾಕ್‌ ಅವರಿಗೆ 8,66,902 ಡಾಲರ್‌ (ಸುಮಾರು ₨5.38 ಕೋಟಿ) ಧನ ಸಹಾಯ ದೊರೆತಿದೆ.
ರಾಷ್ಟ್ರೀಯ ವಿಜ್ಞಾನ ಪ್ರತಿಷ್ಠಾನವು (ಎನ್‌ಎಸ್‌ಎಫ್‌) ತನ್ನ ‘ಪ್ರಾಧ್ಯಾಪಕ ನೈಪುಣ್ಯ ಅಭಿವೃದ್ಧಿ ಕಾರ್ಯಕ್ರಮ’ದ ಅಡಿಯಲ್ಲಿ ರಜಾಕ್‌ ಅವರು ಮಾಡುತ್ತಿರುವ ಸಂಶೋಧನೆಗೆ ಐದು ವರ್ಷಗಳ ಅವಧಿಗೆ ಈ ಸಹಾಯ ಧನ ನೀಡಲಿದೆ.
ಚೆನ್ನೈ ಮೂಲದ ಖಲೀಲ್‌ ರಜಾಕ್‌ ಅವರು ಕ್ಯಾಲಿಫೋರ್ನಿಯಾ ರಿವರ್‌ಸೈಡ್‌ ವಿಶ್ವವಿದ್ಯಾಲಯದ ಮನೋವಿಜ್ಞಾನ ಮತ್ತು ನರವಿಜ್ಞಾನ ವಿಭಾಗದಲ್ಲಿ ಸಹಾಯಕ ಪ್ರಾಧ್ಯಾಪಕರಾಗಿ ಕಾರ್ಯನಿರ್ವಹಿಸುತ್ತಿದ್ದಾರೆ.
