ನವದೆಹಲಿ (ಐಎಎನ್‌ಎಸ್): ರಷ್ಯಾ ನಿರ್ಮಿತ ಅತ್ಯಾಧುನಿಕ ಎಮ್‌ಐ -17ವಿ5 (MI-17V5) ಹೆಲಿಕಾಪ್ಟರ್ ಶುಕ್ರವಾರ ಭಾರತೀಯ ವಾಯುಸೇನೆಗೆ (ಐಎಎಫ್) ಸೇರ್ಪಡೆಯಾಗಲಿದೆ.
ದೂರದ ಗಡಿ ಹಾಗೂ ಪರ್ವತ ಪ್ರದೇಶಗಳಲ್ಲಿರುವ ಸೇನಾ ನೆಲೆಗಳಿಗೆ ಅಗತ್ಯ ವಸ್ತುಗಳನ್ನು ಪೂರೈಸುವ ಕಾರ್ಯಕ್ಕಾಗಿ ಈ ಹೆಲಿಕಾಪ್ಟರ್‌ಗಳು ಖರೀದಿಸಲಾಗಿದೆ.
ಭಾರತವು 2008ರಲ್ಲಿ 1.34 ಶತ ಕೋಟಿ ಅಮೆರಿಕನ್ ಡಾಲರ್ ವೆಚ್ಚದಲ್ಲಿ ರಷ್ಯಾ ನಿರ್ಮಿತ 80 ನೂತನ MI-17V5 ಹೆಲಿಕಾಪ್ಟರ್‌ಗಳ ಖರೀದಿ ಒಪ್ಪಂದ ಮಾಡಿಕೊಂಡಿತ್ತು.
ಅವುಗಳಲ್ಲಿ ಕಳೆದ ಸೆಪ್ಟೆಂಬರ್‌ನಲ್ಲಿ ಐಎಎಫ್‌ಗೆ 21 ಹೆಲಿಕಾಪ್ಟರ್‌ಗಳನ್ನು ಹಸ್ತಾಂತರಿಸಲಾಗಿದೆ. ಈ ಹೆಲಿಕಾಪ್ಟರ್‌ಗಳ ಬಳಕೆಯಿಂದ ಸೇನೆಗೆ ಮತ್ತಷ್ಟು ಬಲ ಬಂದಂತಾಗಿದೆ ಎಂದು ಐಎಎಫ್‌ಗೆ ಪ್ರಕಟಣೆಯಲ್ಲಿ ತಿಳಿಸಿದೆ.
