ಲಂಡನ್ (ಪಿಟಿಐ): ಭಾರತೀಯರು ಸ್ನೇಹಪರರು ಆದರೆ, ಅಸ್ಥಿರ ಮನಸ್ಸಿನವರು. ನಿರ್ಧಾರ ತೆಗೆದುಕೊಳ್ಳುವುದಕ್ಕೆ ಮೀನ–ಮೇಷ ಎಣಿಸುತ್ತಾರೆ!
– ಭಾರತೀಯ ಪ್ರವಾಸಿಗರ ಕುರಿತಾಗಿ ಬ್ರಿಟನ್ ಸರ್ಕಾರದ ಪ್ರವಾಸೋದ್ಯಮ ಸಂಸ್ಥೆ ‘ವಿಸಿಟ್ ಬ್ರಿಟನ್’, ರಾಷ್ಟ್ರದ ಎಲ್ಲಾ ಹೋಟೆಲ್ಗಳ ಮಾಲೀಕರಿಗೆ ಹೊರಡಿಸಿರುವ ಹೊಸ ಮಾರ್ಗದರ್ಶಿ ಸೂತ್ರದಲ್ಲಿ ಉಲ್ಲೇಖಿಸಿರುವ ಅಂಶಗಳಿವು.
ಭಾಷಾ ಉಚ್ಚಾರಣಾ ಶೈಲಿಯಿಂದ ಭಾರತೀಯರನ್ನು ಹೀಯಾಳಿಸಬೇಡಿ ಎಂದೂ ಮಾರ್ಗದರ್ಶಿ ಸೂತ್ರದಲ್ಲಿ ಹೇಳಲಾಗಿದೆ.
ದೇಶದಲ್ಲಿ ಸಾಂಸ್ಕೃತಿಕ ನಿಯಮಗಳ ಉಲ್ಲಂಘನೆಯನ್ನು ತಡೆಯುವುದಕ್ಕಾಗಿ ‘ವಿಸಿಟ್ಬ್ರಿಟನ್’ ಈ ಮಾರ್ಗದರ್ಶಿ ಸೂತ್ರಗಳನ್ನು ಬಿಡುಗಡೆ ಮಾಡಿದೆ.