ವಾಷಿಂಗ್ಟನ್ (ಪಿಟಿಐ): ನಮ್ಮ ಸೌರಮಂಡಲಕ್ಕೆ ಅತಿ ಹತ್ತಿರದಲ್ಲಿ ಭೂಮಿಗಿಂತ ಚಿಕ್ಕದಾದ ಹೊರಗ್ರಹವೊಂದನ್ನು ನಾಸಾ ವಿಜ್ಞಾನಿಗಳು ಪತ್ತೆ ಹಚ್ಚಿದ್ದಾರೆ. ಹೊರಗ್ರಹಗಳು ಸೌರಮಂಡಲದ ಹೊರಗೆ ಇತರ ನಕ್ಷತ್ರಗಳ ಸುತ್ತ ಪರಿಭ್ರಮಿಸುವ ಗ್ರಹಗಳು.
ಈ ಗ್ರಹಕ್ಕೆ `ಯುಸಿಎಫ್-1.01~ ಎಂದು ಹೆಸರಿಡಲಾಗಿದ್ದು, ಭೂಮಿಯಿಂದ 33 ಜ್ಯೋತಿರ್ವರ್ಷ ದೂರದಲ್ಲಿ ಈ ಆಕಾಶಕಾಯವಿದೆ. ಭೂಮಿಯ ಎರಡನೇ ಮೂರುಭಾಗದಷ್ಟಿರುವ ಈ ಗ್ರಹದ ವ್ಯಾಸ 8,400 ಕಿ.ಮೀ.ನಷ್ಟಿದೆ.
ಸೌರಮಂಡಲದ ಆಚೆ ನೂರಾರು ಹೊರಗ್ರಹಗಳು ಇದ್ದರೂ ಅವುಗಳಲ್ಲಿ ಬೆರಳೆಣಿಕೆಯಷ್ಟು ಗ್ರಹಗಳು ಮಾತ್ರ ಭೂಮಿಗಿಂತ ಚಿಕ್ಕದಾಗಿವೆ. ಸ್ಪಿಟ್ಜರ್ ಸ್ಪೇಸ್ ಟೆಲಿಸ್ಕೋಪ್ ನೆರವಿನಿಂದ ಈ ಗ್ರಹ ಪತ್ತೆ ಹಚ್ಚಲಾಗಿದೆ ಎಂದು ವಿಜ್ಞಾನಿಗಳು ಹೇಳಿದ್ದಾರೆ.
