ಇದೇ 11ರ ವರೆಗೆ ಸಾರ್ವಜನಿಕರಿಗೆ ರಿಯಾಯಿತಿ ದರದಲ್ಲಿ ಜೆಟ್ ಸ್ಕೀಯಿಂಗ್, ಬನಾನಾ ರೈಡ್, ಕಯಾಕಿಂಗ್ಗಳು ನಡೆಯಲಿದ್ದು, 12ರಿಂದ 16ರ ವರೆಗೆ ಯುಜನೋತ್ಸವದಲ್ಲಿ ಪಾಲ್ಗೊಳ್ಳುವ ಸ್ಪರ್ಧಿಗಳಿಗೆ ಮತ್ತು ಅತಿಥಿಗಳಿಗೆ ಉಚಿತ ಸಾಹಸ ಕ್ರೀಡೆಗಳನ್ನು ಆಯೋಜಿಸಲಾಗಿದೆ. ನಗರದ ಪುರಭವನ ಮತ್ತು ನೆಹರೂ ಕ್ರೀಡಾಂಗಣದಲ್ಲಿ ರ್ಯಾಪೆಲಿಂಗ್ (ಗೋಡೆ ಹತ್ತಿ ಇಳಿಯುವುದು), ಜುಮರಿಂಗ್, ಟೈರೋಲಿನ್, ಟ್ರಾವರ್ಸ್ ಮತ್ತಿತರ ಭೂಸಾಹಸ ಚಟುವಟಿಕೆ ಆರಂಭವಾಗಿವೆ. ಇವುಗಳು ಸಾರ್ವಜನಿಕರಿಗೆ ಉಚಿತವಾಗಿರುತ್ತದೆ. ಪಣಂಬೂರು ಕಡಲ ತೀರದಲ್ಲಿ ಪ್ಯಾರಾಸೇಲಿಂಗ್ ಸಾಹಸ ಆರಂಭವಾಗಿದೆ.