ನವದೆಹಲಿ (ಐಎಎನ್ಎಸ್): ಅಶ್ವಿನಿ ಪೊನ್ನಪ್ಪ ಮತ್ತು ಜ್ವಾಲಾ ಗುಟ್ಟಾ ಮುಂಬರುವ ಡೆನ್ಮಾರ್ಕ್ ಓಪನ್ ಸೂಪರ್ ಸೀರಿಸ್ ಬ್ಯಾಡ್ಮಿಂಟನ್ ಟೂರ್ನಿಯ ಮಹಿಳೆಯರ ಡಬಲ್ಸ್ ವಿಭಾಗದಲ್ಲಿ ಜೊತೆಯಾಗಿ ಆಡಲು ನಿರ್ಧರಿಸಿದ್ದಾರೆ.
ಈ ಟೂರ್ನಿ ಅಕ್ಟೋಬರ್ 15 ರಿಂದ 20ರ ವರೆಗೆ ನಡೆಯಲಿದೆ. ಲಂಡನ್ ಒಲಿಂಪಿಕ್ಸ್ ನಂತರ ಜ್ವಾಲಾ ಸ್ಪರ್ಧಾ ಕಣದಿಂದ ದೂರ ಸರಿದಿದ್ದರು. ಆ ಬಳಿಕ ಅಶ್ವಿನಿ ಅವರು ಪ್ರದ್ನ್ಯಾ ಗಾದ್ರೆ ಜೊತೆ ವಿವಿಧ ಟೂರ್ನಿಗಳಲ್ಲಿ ಆಡಿದ್ದರು.
ಇದೀಗ ಜ್ವಾಲಾ ಸ್ಪರ್ಧಾ ಕಣಕ್ಕೆ ಮರಳಲು ಬಯಸಿದ್ದಾರೆ. ಈ ಕಾರಣ ಇಬ್ಬರೂ ಮತ್ತೆ ಜೊತೆಯಾಗಲಿದ್ದಾರೆ.