ನವದೆಹಲಿ(ಐಎಎನ್ಎಸ್): ಒಣ ಶೌಚಾಲಯ ಹಾಗೂ ತಲೆಮೇಲೆ ಮಲಹೊರುವವರ ಪದ್ಧತಿ ನಿಷೇಧಿಸಲು ಮತ್ತು ಈ ಕೆಲಸದಲ್ಲಿ ತೊಡಗಿದವರಿಗೆ ಪುನರ್ವಸತಿ ಕಲ್ಪಿಸುವ ಮಸೂದೆಯನ್ನು ಸಂಸತ್ತು ಅಂಗೀಕರಿಸಿದೆ.
`ತಲೆ ಮೇಲೆ ಮಲಹೊರುವವರ ನೇಮಕ ನಿಷೇಧ ಹಾಗೂ ಅವರ ಪುನರ್ ವಸತಿ ಮಸೂದೆ -2012' ಅನ್ನು ಶನಿವಾರ ರಾಜ್ಯಸಭೆಯಲ್ಲಿ ಅಂಗೀಕರಿಸಲಾಯಿತು.
ಸಾಮಾಜಿಕ ನ್ಯಾಯ ಮತ್ತು ಸಬಲೀಕರಣ ಸಚಿವೆ ಕುಮಾರಿ ಶೆಲ್ಜಾ ಮಸೂದೆ ಮಂಡಿಸಿದ್ದರು. ಈ ಮಸೂದೆಯನ್ನು ಲೋಕಸಭೆ ಶುಕ್ರವಾರ ಅಂಗೀಕರಿಸಿತ್ತು.