ಮಾರುತಿ ಯುವ ಪ್ರತಿಭೋತ್ಸವ

ಎಸ್‌ಐಬಿಎಂ ಕಾಲೇಜಿನ ವಿದ್ಯಾರ್ಥಿ ಲೌಡೆಸ್ ಸೋರ್ಸ್ ವಯಲಿನ್‌ನಲ್ಲಿ, ದಯಾನಂದ ದಂತವೈದ್ಯಕೀಯ ಕಾಲೇಜಿನ ವಿದ್ಯಾರ್ಥಿ ಥಿಯೋಡೊರ್ ಸುನಿತ್ ಮ್ಯಾನ್ಯುಯೆಲ್ ಬೀಟ್ ಬಾಕ್ಸಿಂಗ್‌ನಲ್ಲಿ, ಸರ್ಕಾರಿ ದಂತ ವೈದ್ಯಕೀಯ ಕಾಲೇಜಿನ ವಿದ್ಯಾರ್ಥಿ ಸೋನಾ ಜಿ. ತೆರಾತಿಲ್ ನೃತ್ಯದಲ್ಲಿ,  ಕ್ರೈಸ್ಟ್ ವಿವಿಯ ವಿದ್ಯಾರ್ಥಿ ಫಾತಿಮಾ ರಾಜ್ ಕೆ ಸಂಗೀತದಲ್ಲಿ, ಡಾ. ಬಿ. ಆರ್. ಅಂಬೇಡ್ಕರ್ ಮೆಡಿಕಲ್ ಕಾಲೇಜಿನ ವಿದ್ಯಾರ್ಥಿ ಜಾಕೋಬ್ ಐಪ್ ಸ್ಕಿಟ್‌ನಲ್ಲಿ ವಿಜೇತರಾದರು. ತೀರ್ಪುಗಾರರಾಗಿ ಬಾಲಿವುಡ್ ನಟಿ ಇಶಾ ಕೊಪ್ಪಿಕರ್, ಪರಿಕ್ರಮ ಬ್ಯಾಂಡ್‌ನ ಸುಭೀರ್ ಮಲಿಕ್ ಇದ್ದರು.

`ಕ್ಲಾಸ್ ರೂಮಿನ ನಾಲ್ಕು ಗೋಡೆಗಳ ಒಳಗಿನ ಕಲಿಕೆಗೆ ಪ್ರತಿಭೆ ಸೀಮಿತವಾಗಬಾರದು. ಇದೇ ಕಾರಣಕ್ಕೆ ಮಾರುತಿ ಸುಜುಕಿ ಯುವಜನರನ್ನು ಪ್ರೋತ್ಸಾಹಿಸುತ್ತಾ ಬಂದಿದೆ' ಎಂದರು ಮಾರುತಿ ಸುಜುಕಿ ಮಾರ್ಕೆಟಿಂಗ್ ಮತ್ತು ಸೇಲ್ಸ್ ವಿಭಾಗದ ಮುಖ್ಯ ನಿರ್ವಾಹಕ ಅಧಿಕಾರಿ ಮಯಾಂಕ್ ಪರೀಕ್.
ಸ್ಪರ್ಧೆಯಲ್ಲಿ ವಿಜೇತರಾದವರಿಗೆ ಮಾರುತಿ ಸುಜುಕಿ ಕಾರನ್ನು ಬಹುಮಾನವಾಗಿ ಕಂಪೆನಿ ನೀಡಲಿದೆ.