ಸಿಂಥೆಟಿಕ್ ವಜ್ರಗಳನ್ನು ಮೊದಲು ಉತ್ಪಾದಿಸಿದ್ದು ಯಾವಾಗ?
1950ರ ದಶಕದಲ್ಲಿ. ಗಣಿಗಾರಿಕೆಯಲ್ಲಿ ತುಂಬಾ ಕಠಿಣವಾದ ವಸ್ತುಗಳನ್ನು ಕೊರೆಯಲು, ಕತ್ತರಿಸಲು ಸಿಂಥೆಟಿಕ್ ವಜ್ರವನ್ನು ಬಳಸುತ್ತಾರೆ. ಅದು ಗಾತ್ರದಲ್ಲಿ ಸಣ್ಣದಾಗಿರುತ್ತದೆ.
ಒಂದು ಕಾಲದಲ್ಲಿ ಗೋಲ್ಕೊಂಡದಲ್ಲಿ ವಜ್ರಗಳು ವಿಪರೀತವಾಗಿದ್ದವು.
ಹದ್ದುಗಳು ಹಾರುವಾಗ ಅವನ್ನು ಉದುರಿಸಿದ್ದೂ ಇದೆ. ಹದ್ದುಗಳ ಗೂಡುಗಳಲ್ಲಿ ವಜ್ರಗಳಿರುತ್ತವೆ ಎಂದು ನಂಬಿ ಜನ ಆ ಗೂಡುಗಳನ್ನು ಕದ್ದ ಕತೆಗಳುಂಟು.
ಪಾಶ್ಚಾತ್ಯ ದೇಶಗಳಲ್ಲಿ ನಿಶ್ಚಿತಾರ್ಥಕ್ಕೆ ವಜ್ರದುಂಗುರ ತೊಡಿಸುವ ಸಂಪ್ರದಾಯ ಯಾಕೆ?
ಆಸ್ಟ್ರಿಯಾದ ರಾಜಕುಮಾರನೊಬ್ಬ ತಾನು ಮದುವೆಯಾಗಲಿರುವ ಬರ್ಗುಂಡಿಯ ಮೇರಿ ಎಂಬಾಕೆಯ ಬೆರಳಿಗೆ ಆಗಸ್ಟ್ 17, 1477ರಲ್ಲಿ ಉಂಗುರ ತೊಡಿಸಿದ. ಅಲ್ಲಿಂದಾಚೆಗೆ ಯುರೋಪ್‌ನಲ್ಲಿ ವಜ್ರದುಂಗುರವನ್ನು ನಿಶ್ಚಿತಾರ್ಥಕ್ಕೆ ತೊಡಿಸುವುದು ಸಂಪ್ರದಾಯದಂತೆ ಆಗಿಬಿಟ್ಟಿದೆ.
