ನವದೆಹಲಿ (ಪಿಟಿಐ): ಮಾರುತಿ ಸುಜುಕಿ ಇಂಡಿಯಾದ ಮಾನೆಸರ್ ಘಟಕದಲ್ಲಿನ ಕಾರ್ಮಿಕರ ಮುಷ್ಕರವು 12ನೇ ದಿನಕ್ಕೆ ಕಾಲಿಟ್ಟಿದ್ದು, ಆಯ್ದ ಡೀಸೆಲ್ ಕಾರುಗಳ ವಿತರಣೆಯು ಹೆಚ್ಚುವರಿಯಾಗಿ ಇನ್ನೂ ಒಂದು ತಿಂಗಳು ವಿಳಂಬಗೊಳ್ಳಲಿದೆ.
ಸ್ವಿಫ್ಟ್, ಡಿಝೈರ್ ಮತ್ತು ಎಸ್‌ಎಕ್ಸ್4 ಕಾರು ವಿತರಿಸುವುದು ತಡವಾಗಲಿದೆ. ಮುಷ್ಕರದ ಮುಂಚೆಯೂ ಈ ಮಾದರಿ ಕಾರುಗಳ ವಿತರಣೆಯು 1ರಿಂದ ನಾಲ್ಕು ತಿಂಗಳು ವಿಳಂಬವಾಗುತ್ತಿತ್ತು. ಮುಷ್ಕರದ ಕಾರಣಕ್ಕೆ ಉತ್ಪಾದನೆ ಸ್ಥಗಿತಗೊಂಡಿರುವುದರಿಂದ ತಿಂಗಳ ಮಾರಾಟವು ಕುಸಿತಗೊಳ್ಳಲಿದೆ ಎಂದು `ಎಂಎಸ್‌ಐ~ ತಿಳಿಸಿದೆ.
