ಬೆಂಗಳೂರು: `ಕೆ-ಮೈಕ್ರೊ' ಎಂದೇ ಗುರುತಿಸಿಕೊಂಡಿರುವ `ಕವಾಸಾಕಿ ಮೈಕ್ರೊ ಎಲೆಕ್ಟ್ರಾನಿಕ್ಸ್'ನ ಎಲ್ಲ ಷೇರುಗಳನ್ನೂ ಖರೀದಿಸಿರುವ ಜಪಾನ್‌ನ `ಮೆಗಾಚಿಪ್ಸ್ ಕಾರ್ಪೊರೇಷನ್', ಪೂರ್ಣ ಮಾಲೀಕತ್ವ ಪಡೆದುಕೊಂಡಿದೆ. `ಕೆ-ಮೈಕ್ರೊ' ಈಗ `ಮೆಗಾ ಚಿಪ್ಸ್' ಎಂದು ಮರು ನಾಮಕರಣಗೊಂಡಿದೆ. ಏ. 1ರಂದು `ಕೆ-ಮೈಕ್ರೊ' ಕಂಪೆನಿಮೆಗಾಚಿಪ್ಸ್‌ನಲ್ಲಿ ವಿಲೀನಗೊಂಡಿದೆ.
ಇದರಿಂದಾಗಿ ಜಾಗತಿಕ ಮಟ್ಟದಲ್ಲಿ ಸಿಸ್ಟೆಂ ಪ್ಲಾನಿಂಗ್ ಮತ್ತು ಪ್ರಾಡಕ್ಟ್ ಅಪ್ಲಿಕೇಷನ್ ವಿಭಾಗದಲ್ಲಿ ಹೆಚ್ಚಿನ ಸೇವೆ ಒದಗಿಸಲು ಸಾಧ್ಯವಾಗಲಿದೆ ಎಂದು `ಮೆಗಾಚಿಪ್ಸ್' ಅಧ್ಯಕ್ಷ ಅಕಿರಾ ಟಕಟಾ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.
ಟೋಕಿಯೊದಲ್ಲಿ ಪ್ರಧಾನ ಕಚೇರಿ ಹೊಂದಿರುವ `ಜೆಎಫ್‌ಇ ಹೋಲ್ಡಿಂಗ್ಸ್'ನ ಅಂಗಸಂಸ್ಥೆ `ಮೆಗಾ ಚಿಪ್ಸ್ ಕಾರ್ಪೊರೇಷನ್, 1990ರಿಂದ ಸೆಮಿಕಂಡಕ್ಟರ್ ತಯಾರಿಕೆ ಕ್ಷೇತ್ರದಲ್ಲಿದ್ದು, ತೈವಾನ್, ಜಪಾನ್ ಕಂಪೆನಿಗಳಿಗೆ ಸಂಶೋಧನೆ ಮತ್ತು ಅಭಿವೃದ್ಧಿ ಸೇವೆ ಒದಗಿಸುತ್ತಿದೆ.
