`ದೆಹಲಿಯಲ್ಲಿ ಎಲ್ಲೆಡೆ ಮೆಟ್ರೊ ರೈಲು ಸಂಚಾರ ಆರಂಭವಾದ ಮೇಲೆ ಅಲ್ಲಿನ ಆಸ್ತಿಗಳ ಮೌಲ್ಯದಲ್ಲಿ ಶೇಕಡಾ 25ರಷ್ಟು ಏರಿಕೆಯಾಗಿದೆ. ನಗರದಲ್ಲೂ ಮೆಟ್ರೊ ಯೋಜನೆ ಕಾರ್ಯಗತವಾದ ಮೇಲೆ ಆಸ್ತಿಪಾಸ್ತಿಗಳ ಬೆಲೆ ಹೆಚ್ಚಾಗಲಿದೆ~ ಎಂದು ಜೋನ್ಸ್ ಲ್ಯಾಂಗ್ ಲಾಸಲ್ಲೆ ಕಂಪೆನಿಯ ಉಪಾಧ್ಯಕ್ಷ ಕೆ.ಎಸ್.ಗಿರೀಶ್ ಅಭಿಪ್ರಾಯಪಟ್ಟರು.
`ಮೆಟ್ರೊ ಮಾರ್ಗದ ಅಕ್ಕಪಕ್ಕದ ಒಂದು ಕಿ.ಮೀ. ವ್ಯಾಪ್ತಿಯ ಪ್ರದೇಶದಲ್ಲಿ ಬೆಳವಣಿಗೆಯು ವೇಗ ಪಡೆದುಕೊಳ್ಳಲಿದೆ. ಮೆಟ್ರೊ ವ್ಯವಸ್ಥೆ ಇರುವ ಬೇರೆ ದೇಶಗಳ ಮಹಾನಗರಗಳಲ್ಲೂ ಇಂತಹ ಬೆಳವಣಿಗೆ ಆಗಿರುವುದನ್ನು ಕಾಣಬಹುದು~ ಎಂದು ಅವರು ಹೇಳಿದರು.
ಎಚ್‌ಪಿ ಕಂಪೆನಿಯ ಉಪಾಧ್ಯಕ್ಷ ಶ್ರೀಧರ್ ರಾಘವೇಂದ್ರ ಮಾತನಾಡಿ, `ಬೈಯಪ್ಪನಹಳ್ಳಿಯಿಂದ ಮೈಸೂರು ರಸ್ತೆಗೆ ಮೆಟ್ರೊ ರೈಲು ಸಂಚಾರ ಆರಂಭವಾದ ಮೇಲೆ ಮೈಸೂರು ರಸ್ತೆ ಕಡೆ ವಾಣಿಜ್ಯ ಅಭಿವೃದ್ಧಿ ಚಟುವಟಿಕೆಗಳು ಹೆಚ್ಚಾಗಲಿವೆ~ ಎಂದು ಭವಿಷ್ಯ ನುಡಿದರು.
ಅಶ್ವಿನ್ ಮಹೇಶ್ ಮಾತನಾಡಿ, `ಮೆಟ್ರೊದ ಮೊದಲನೇ ಹಂತ 24ರಿಂದ 30 ತಿಂಗಳಲ್ಲಿ ಹಾಗೂ ಎರಡನೇ ಹಂತ 2018ರ ವೇಳೆಗೆ ಪೂರ್ಣಗೊಳ್ಳಲಿದೆ. ಆಗ ನಗರದ ಹತ್ತನೇ ಒಂದು ಭಾಗ ಮೆಟ್ರೊ ಸಾರಿಗೆ ವ್ಯವಸ್ಥೆಯ ಪ್ರಭಾವಕ್ಕೆ ಒಳಗಾಗಲಿದೆ~ ಎಂದರು.
