ಲಂಡನ್ (ಪಿಟಿಐ): ಮಾನವನ ಮೆದುಳಿನ ಸಮಗ್ರ ಚಿತ್ರಣವನ್ನು ನೀಡುವ ಮೂರು ಆಯಾಮದ (3ಡಿ) ನಕ್ಷೆಯನ್ನು ವಿಜ್ಞಾನಿಗಳು ಇದೇ ಮೊದಲ ಬಾರಿಗೆ ಅಭಿವೃದ್ಧಿಪಡಿಸಿರುವುದಾಗಿ ಹೇಳಿದ್ದಾರೆ.
ಮೆದುಳಿನ ಬಹುಭಾಗವನ್ನು ಆವರಿಸಿರುವ ಬಿಳಿಯ ವಸ್ತುವಿನ ಅತ್ಯಂತ ಸೂಕ್ಷ್ಮ ರಚನೆಗಳನ್ನು ಈ ನಕ್ಷೆ ಒಳಗೊಂಡಿದೆ. ನೂರು ಜನರ ಮೆದುಳಿನ ಎಂಆರ್ಐ ಸ್ಕ್ಯಾನ್ಗಳಿಂದ ಪಡೆಯಲಾದ `3ಡಿ~ ಚಿತ್ರಗಳನ್ನು ಬಳಸಿ ನಕ್ಷೆಯನ್ನು ನಿರ್ಮಿಸಲಾಗಿದೆ.
ಹೊಸ ಕಂಪ್ಯೂಟರ್ ತಂತ್ರಜ್ಞಾನದ ನೆರವನ್ನು ಪಡೆದು ಈ ನಕ್ಷೆಯನ್ನು ಸಿದ್ಧಪಡಿಸಲಾಗಿದ್ದು ಮಾನವನ ಮೆದುಳಿನ ಸಂಪೂರ್ಣ ಮಾಹಿತಿಯನ್ನು ನೀಡುತ್ತದೆ. ಇದು ಚಿಕಿತ್ಸೆಗೆ ಮತ್ತು ಮೆದುಳನ್ನು ಹೆಚ್ಚು ತಿಳಿದುಕೊಳ್ಳಲು ನೆರವಾಗುತ್ತದೆ ಎಂದು ಇಲ್ಲಿಯ ವಿಜ್ಞಾನಿಗಳು ತಿಳಿಸಿದ್ದಾರೆ.