ಲಂಡನ್(ಪಿಟಿಐ): ಬ್ರಿಟನ್ ಯುವರಾಜ ಹ್ಯಾರಿಯ ಹೊಸ ಗಡ್ಡದ ಶೈಲಿಯನ್ನು ಎಲ್ಲರೂ ಪ್ರಶಂಸಿಸಿದರೆ, ಅವರ ಅಜ್ಜಿ ಬ್ರಿಟನ್ ರಾಣಿ ಎಲಿಜಬೆತ್ ಗಡ್ಡವನ್ನು ತೆಗೆಯುವಂತೆ ರಾಜಾಜ್ಞೆ ನೀಡಿದ್ದಾಳೆ.
ಮೊಮ್ಮಗ ಹ್ಯಾರಿಯ ಹೊಸ ಗಡ್ಡದ ಶೈಲಿಯಿಂದ ರಾಣಿ ಎಲಿಜಬೆತ್ಗೆ ಇರಿಸುಮುರಿಸು ಉಂಟಾಗಿದ್ದು, ಹೊಸ ವರ್ಷದ ಆರಂಭದಲ್ಲಿಯೇ ಆದಷ್ಟು ಬೇಗ ಗಡ್ಡ ಬೋಳಿಸಿಕೊಳ್ಳುವಂತೆ ಆದೇಶಿಸಿದ್ದಾರೆ.
ರಾಜಾಜ್ಞೆ ಪಾಲಿಸಲು ಹ್ಯಾರಿ ಒಪ್ಪಿಕೊಂಡಿದ್ದು, ತನ್ನ ಗೆಳತಿ ಕ್ರೆಸಿಡಾ ಬೋನಸ್ ಗಡ್ಡವನ್ನು ನೋಡಿದ ಬಳಿಕ ಅದನ್ನು ತೆಗೆಯುವುದಾಗಿ ಹೇಳಿದ್ದಾನೆ ಎಂದು ಮೂಲಗಳು ತಿಳಿಸಿವೆ. ಆದರೆ ಹ್ಯಾರಿಯ ಹೊಸ ಗಡ್ಡದ ಶೈಲಿಗೆ ಅಣ್ಣ ವಿಲಿಯಮ್ ಹಾಗೂ ಅತ್ತಿಗೆ ಕೇಟ್ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.