ನವದೆಹಲಿ (ಪಿಟಿಐ): ಬೆಂಗಳೂರಿನ ಭಾರತೀಯ ಆಡಳಿತ ನಿರ್ವಹಣಾ ಸಂಸ್ಥೆ (ಐಐಎಂ-ಬಿ) ಹಿರಿಯ ಮ್ಯಾನೇಜರ್‌ಗಳಿಗೆ ಕ್ರೀಡಾಧಾರಿತ ಶಿಕ್ಷಣ ನೀಡಲು ಮುಂದಾಗಿದೆ.
`ವ್ಯವಹಾರದ ವೇಳೆ ಉದ್ಭವಿಸುವ ಸವಾಲುಗಳನ್ನು ಎದುರಿಸಲು ಇದು ನೆರವಾಗಬಹುದು ಎಂಬುದು ಐಐಎಂ-ಬಿನ ಉದ್ದೇಶ. ಖ್ಯಾತ ಕ್ರೀಡಾಪಟುಗಳನ್ನು ಆಹ್ವಾನಿಸಿ ಶಿಕ್ಷಣ ನೀಡಲಾಗುವುದು. ಇದಕ್ಕೆ ಕ್ರೀಡಾ ಕಂಪೆನಿ ಟೆನ್ವಿಕ್ ಸಹಾಯ ನೀಡುತ್ತಿದೆ~ ಎಂದು ಐಐಎಂ-ಬಿ ಅಧಿಕಾರಿ ಶ್ಯಾಮಲ್ ರಾಯ್ ತಿಳಿಸಿದ್ದಾರೆ.
`ಈ ಕಾರ್ಯಕ್ರಮದಲ್ಲಿ ಮ್ಯಾನೇಜರ್‌ಗಳೊಂದಿಗೆ ಕ್ರೀಡಾಪಟುಗಳು ತಮ್ಮ ಅನುಭವ ಹಂಚಿಕೊಳ್ಳಲಿದ್ದಾರೆ. ಇದರಿಂದ ನಾಯಕತ್ವ ಗುಣ ಹೆಚ್ಚಿಸಿಕೊಳ್ಳಲು. ಕೌಶಲ ಪ್ರದರ್ಶಿಸಲು ಹಾಗೂ ಒತ್ತಡದಿಂದ ಹೊರಬರಲು ಸಹಾಯವಾಗಬಹುದು~ ಎಂದರು.
