ಟೋಕಿಯೊ (ಪಿಟಿಐ): ಜಪಾನಿನ ಒಸಾಕಾದಲ್ಲಿ ನಡೆದ ವಿಶ್ವದ ಮೊಟ್ಟಮೊದಲ ರೊಬೋಟ್ಗಳ ಪೂರ್ಣ ಮ್ಯಾರಥಾನ್ ಸ್ಫರ್ಧೆಯಲ್ಲಿ 42 ಕಿ.ಮೀ ದೂರವನ್ನು ತನ್ನ ಸಮೀಪದಲ್ಲಿದ್ದ ಸ್ಪರ್ಧಿ ರೋಬೋಟ್ಗಿಂತ ಕೆಲವೇ ಸೆಕೆಂಡುಗಳ ಅಂತರದಲ್ಲಿ ಕ್ರಮಿಸುವ ಮೂಲಕ ರೋಬೋವೀ-ಪಿಸಿ ರೋಚಕ ಗೆಲುವು ಪಡೆದಿದೆ. ಒಳಾಂಗಣ ಟ್ರ್ಯಾಕ್ನಲ್ಲಿ 423 ಲ್ಯಾಪ್ಸ್ಗಳಲ್ಲಿ 42 ಕಿ.ಮೀ.ದೂರವನ್ನು ಗಂಟೆಗೆ ಸರಾಸರಿ 0.77 ಕಿ.ಮೀ. ವೇಗದಲ್ಲಿ ತಲುಪಬೇಕಿದ್ದ ಈ ಸ್ಫರ್ಧೆಯಲ್ಲಿ ಐದು ರೋಬೋಟ್ಗಳು ಭಾಗವಹಿಸಿದ್ದವು.
ಕ್ಷಣಗಳ ಅಂತರದಲ್ಲಿ ಎರಡು ರೋಬೋಟ್ಗಳು ಅಂತಿಮ ಗುರಿ ತಲುಪಿದರೆ, ಎರಡು ರೋಬೋಟ್ಗಳು ಇನ್ನೂ ಗುರಿ ತಲುಪಬೇಕಿವೆ. ಇನ್ನೊಂದು ರೋಬೋಟ್ಅನ್ನು ಮೊದಲನೇ ಲ್ಯಾಪ್ ಬಳಿಕ ಸ್ಪರ್ಧೆಯಿಂದ ಹೊರಹಾಕಲಾಗಿತ್ತು.