ಅಲ್ಲದೆ, 294 ಕೋಟಿ ಡಾಲರ್ (₨18,228 ಕೋಟಿ) ಮೌಲ್ಯದ 80.40 ಲಕ್ಷ ಟನ್ ನೈಟ್ರೊಜನ್ ರಸಗೊಬ್ಬರಗಳನ್ನೂ ಆಮದು ಮಾಡಿಕೊಳ್ಳಲಾಗಿತ್ತು ಎಂದು ಕೇಂದ್ರ ರಸಗೊಬ್ಬರ ಸಚಿ ವಾಲಯ ಅಂಕಿ ಅಂಶ ನೀಡಿದೆ. ಈ ಬಾರಿ ಆಮದು ಮಾಡಿಕೊಳ್ಳ ಲಾದ ಪ್ರತಿ ಟನ್ ಯೂರಿಯಾ ದರ ಸರಾಸರಿ 50 ಡಾಲರ್ಗಳಷ್ಟು (₨ 3100) ಕಡಿಮೆ ಆಗಿದೆ ಎಂದು ಇಂಡಿ ಯನ್ ಪೊಟ್ಯಾಷ್ ಲಿ., ಅಧ್ಯಕ್ಷ ಪಿ.ಎಸ್.ಗೆಹ್ಲೋಟ್ ಗುರುವಾರ ಸುದ್ದಿಸಂಸ್ಥೆಗೆ ತಿಳಿಸಿದ್ದಾರೆ.
ದೇಶದ ಕೃಷಿ ವಲಯದಿಂದ ಸರಾಸರಿ ವಾರ್ಷಿಕ 3 ಕೋಟಿ ಟನ್ ಯೂರಿಯಾ ರಸಗೊಬ್ಬರಕ್ಕೆ ಬೇಡಿಕೆ ಇರುತ್ತದೆ. ಈ ಬಾರಿ ಉತ್ತಮ ಮುಂಗಾರು ಕಾರಣ ಕೃಷಿ ಚಟುವಟಿಕೆ ಚುರುಕಾಗಿ ಸಾಗಿದೆ. ಯೂರಿಯಾಕ್ಕೂ ಬೇಡಿಕೆ ಹೆಚ್ಚಲಿದೆ. ಸದ್ಯ ದೇಶದಲ್ಲಿನ ರಸಗೊಬ್ಬರ ಕಂಪೆನಿಗಳಿಂದ ಈ ಬಾರಿ 2.20 ಕೋಟಿ ಟನ್ ಯೂರಿಯಾ ತಯಾರಿಕೆಯಾಗುವ ಅಂದಾಜಿದೆ. ಮುಂದಿನ ತಿಂಗಳುಗಳಲ್ಲಿ ಯೂರಿಯಾ ಆಮದು ಪ್ರಮಾಣ ಹೆಚ್ಚುವ ನಿರೀಕ್ಷೆ ಇದೆ ಎಂದು ರಸಗೊಬ್ಬರ ಸಚಿವಾಲ ಯದ ಅಧಿಕಾರಿಗಳು ತಿಳಿಸಿದ್ದಾರೆ.
ಈ ಬಾರಿ ಏಪ್ರಿಲ್ ನವೆಂಬರ್ ಅವಧಿಯಲ್ಲಿ ಡೈ ಅಮೋನಿಯಂ ಫಾಸ್ಫೇಟ್(ಡಿಎಪಿ) ಮತ್ತು ಮ್ಯೂರಿಯೇಟ್ ಆಫ್ ಪೊಟ್ಯಾಷ್(ಎಂಒಪಿ) ಒಟ್ಟು 40.10 ಲಕ್ಷ ಟನ್ ಆಮದಾ ಗಿದೆ. ಹಿಂದಿನ ಹಣಕಾಸು ವರ್ಷದಲ್ಲಿ ಭಾರತ ಒಟ್ಟು 81.40 ಲಕ್ಷ ಟನ್ ಫಾಸ್ಫೇಟ್, ಪೊಟ್ಯಾಷ್ ರಸಗೊಬ್ಬರಗಳನ್ನು ಆಮದು ಮಾಡಿಕೊಂಡಿತ್ತು.