ಮಾಸ್ಕೊ (ಐಎಎನ್‌ಎಸ್): ಯುರೊಸ್ಲಾವ್‌ನಲ್ಲಿ ಬುಧವಾರ ದುರಂತಕ್ಕೀಡಾದ ಯಾಕ್-42 ವಿಮಾನ ಅಪಘಾತಕ್ಕೆ ಕಳಪೆ ಇಂಧನವೇ ಕಾರಣ ಎಂದು ರಷ್ಯಾದ ವಾಯುಯಾನ ವಿಭಾಗದ ಹೆಸರು ಹೇಳಲಿಚ್ಛಿಸದ ಅಧಿಕಾರಿಗಳು ಗುರುವಾರ ತಿಳಿಸಿದ್ದಾರೆ.
ವಿಮಾನ ಎಂಜಿನ್ ದೋಷಕ್ಕೆ ಕಳಪೆ ಇಂಧನವೇ ಮುಖ್ಯ ಕಾರಣವಾಗಿರಬಹುದು ಎಂದು ತಕ್ಷಣಕ್ಕೆ ಅಂದಾಜಿಸಲಾಗಿದೆ ಎಂದು ಈ ಅಧಿಕಾರಿ ಹೇಳಿದ್ದಾರೆ. 44 ಜನರನ್ನು ಬಲಿ ತೆಗೆದುಕೊಂಡ ಈ ವಿಮಾನದ ಕಾಕ್‌ಪಿಟ್‌ನ ಧ್ವನಿಮುದ್ರಣ ಪೆಟ್ಟಿಗೆ ಮತ್ತು ಅಂಕಿ ಅಂಶಗಳ ದಾಖಲೆ ಪೆಟ್ಟಿಗೆಗಾಗಿ ಇನ್ನೂ ಹುಡುಕಾಟ ನಡೆಸಲಾಗುತ್ತಿದೆ.
ಈ ವಿಮಾನದಲ್ಲಿ ಪ್ರಯಾಣಿಸುತ್ತಿದ್ದವರಲ್ಲಿ ಲೋಕೊಮೋಟಿವ್ ಯುರೊಸ್ಲಾವ್ ಐಸ್ ಹಾಕಿ ತಂಡದ ಬಹುತೇಕ ಆಟಗಾರರು ಸಾವನ್ನಪ್ಪಿದ್ದಾರೆ.
