ಇಸ್ಲಾಮಾಬಾದ್ (ಪಿಟಿಐ): ಹತ್ಯೆಗೀಡಾದ ಪಾಕಿಸ್ತಾನದ ಮಾಜಿ ಪ್ರಧಾನಿ ಬೆನಜೀರ್ ಭುಟ್ಟೊ ಪುತ್ರ 24 ವರ್ಷದ ಬಿಲಾವಲ್ ಭುಟ್ಟೊ, ತನ್ನ ತಾಯಿಯ 5ನೇ ಪುಣ್ಯತಿಥಿಯಂದು ರಾಷ್ಟ್ರದ ರಾಜಕೀಯಕ್ಕೆ ಅಧಿಕೃತವಾಗಿ ದುಮುಕಿದರು.
ಸರ್ವಾಧಿಕಾರಿಗಳು ಮತ್ತು ಉಗ್ರರ ಕಪಿಮುಷ್ಟಿಯಿಂದ ರಾಷ್ಟ್ರವನ್ನು ಸಂರಕ್ಷಿಸುವ ಪ್ರತಿಜ್ಞೆಯನ್ನು ಅವರು ಮಾಡಿದರು. ಇದೇ ವೇಳೆ ಬಿಲಾವಲ್ಅವರು ಸುಪ್ರೀಂಕೋರ್ಟ್ ನ್ಯಾಯಮೂರ್ತಿ ಇಫ್ತಿಕಾರ್ ಚೌಧರಿ ಅವರ ವಿರುದ್ಧವೂ ಅಸಮಾಧಾನ ಹೊರಗೆಡವಿದರು.
