ಹುಬ್ಬಳ್ಳಿ: ಕರ್ನಾಟಕ ರಾಜ್ಯ ಸೆಪಕ್‌ಟಾಕ್ರಾ ಪುರುಷ ಹಾಗೂ ಮಹಿಳಾ ತಂಡಗಳ ಆಯ್ಕೆ ಪ್ರಕ್ರಿಯೆಯು ಇದೇ 22ರಂದು ಬೆಳಿಗ್ಗೆ 10ಕ್ಕೆ ಇಲ್ಲಿನ ಗೋಕುಲ ರಸ್ತೆಯಲ್ಲಿರುವ ಡಾ. ಕೆ.ಎಸ್‌. ಶರ್ಮಾ ಶಿಕ್ಷಣ ಸಂಸ್ಥೆಯ ಒಳಾಂಗಣ ಕ್ರೀಡಾಂಗಣದಲ್ಲಿ ನಡೆಯಲಿದೆ.
ಅಕ್ಟೋಬರ್‌ 15ರಿಂದ 18ರವರೆಗೆ ನಾಗಾಲ್ಯಾಂಡ್‌ನಲ್ಲಿ ನಡೆಯಲಿರುವ ರಾಷ್ಟ್ರೀಯ ಸೆಪಕ್‌ಟಾಕ್ರಾ ಚಾಂಪಿಯನ್‌ಷಿಪ್‌ಗೆ ಈ ಸಂದರ್ಭ ರಾಜ್ಯ ತಂಡಗಳನ್ನು ಆಯ್ಕೆ ಮಾಡಲಾಗುವುದು. ನೋಂದಾಯಿತ ಶಾಲೆ–ಕಾಲೇಜುಗಳು, ಕ್ರೀಡಾ ಸಂಘಗಳು, ಮಾನ್ಯತೆ ಪಡೆದ ಜಿಲ್ಲಾ ಸಂಸ್ಥೆಗಳ ಕ್ರೀಡಾಪಟುಗಳು ಪಾಲ್ಗೊಳ್ಳಬಹುದು.
ಮಾಹಿತಿಗೆ ತರಬೇತುದಾರ ಕೇಶವ ಸೂರ್ಯವಂಶಿ (ಮೊ. 9886827491) ಅವರನ್ನು ಸಂಪರ್ಕಿಸಬಹುದು.
