ರಾಜ್ಯದ ಹಿತ ಮರೆತ ರಾಷ್ಟ್ರೀಯ ಪಕ್ಷಗಳು: ಕುರಡಗಿ

ಗದಗ: ರಾಷ್ಟ್ರೀಯ ಪಕ್ಷಗಳಿಂದ ಕರ್ನಾಟಕ ರಾಜ್ಯದ ಹಿತಾಸಕ್ತಿ ರಕ್ಷಣೆ ಅಸಾಧ್ಯವೆಂಬುದು ಇತಿಹಾಸದ ಅನೇಕ ಘಟನೆಗಳಿಂದ ರುಜುವಾತಾಗಿದೆ ಎಂದು  ಕೆಜೆಪಿ ಜಿಲ್ಲಾಧ್ಯಕ್ಷ  ರಾಜು ಕುರಡಗಿ ಹೇಳಿದರು.

ತಾಲ್ಲೂಕಿನ ಮುಳಗುಂದ ಪಟ್ಟಣದಲ್ಲಿ ಗದಗ ವಿಧಾನಸಭೆ ಕ್ಷೇತ್ರದ ಕೆಜೆಪಿ ಅಭ್ಯರ್ಥಿ ಎಸ್.ಬಿ.ಸಂಕಣ್ಣ ವರ ಪರ ನಡೆದ ಪ್ರಚಾರ ಕಾರ್ಯಕ್ರಮದಲ್ಲಿ ಪಾಲ್ಗೊಂಡು ಮಾತನಾಡಿದ ಅವರು, ರೈತರು, ನೇಕಾರರು, ಮುಸ್ಲಿಂಬಾಂಧವರಿಗೆ ಹೆಚ್ಚು  ಅನುದಾನವನ್ನು ಯಡಿಯೂರಪ್ಪ ನೀಡಿದ್ದಾರೆ.

ಎಸ್.ಬಿ.ಸಂಕಣ್ಣವರ ಅವರನ್ನು ಗೆಲ್ಲಿಸುವ ಮೂಲಕ ಯಡಿಯೂರಪ್ಪ ಅವರ ಕೈ ಬಲಪಡಿಸಬೇಕು ಎಂದು ಮನವಿ ಮಾಡಿದರು. ಪಕ್ಷದ ಅಭ್ಯರ್ಥಿ ಎಸ್.ಬಿ.ಸಂಕಣ್ಣವರ ಮಾತನಾಡಿ, ಜನತೆ ನನ್ನನ್ನು ಬೆಂಬಲಿಸುವ ಮೂಲಕ  ಗದಗ ಶಹರ, ಗ್ರಾಮಾಂತರ ಭಾಗದ ಪ್ರಗತಿಗೆ ಅವಕಾಶ ಕಲ್ಪಿಸಿಕೊಡಬೇಕು ಎಂದು ಹೇಳಿದರು.