ಈಗಿರುವ ತೆರೆದ ಶೌಚಾಲಯ ವ್ಯವಸ್ಥೆಯಿಂದಾಗಿ ರೈಲು ಹಳಿಗಳು ತುಕ್ಕು ಹಿಡಿಯುತ್ತಿದ್ದು, ಇದರಿಂದ ಪ್ರತಿವರ್ಷ 350 ಕೋಟಿ ರೂಪಾಯಿ ನಷ್ಟವಾಗುತ್ತಿದೆ. ರೈಲ್ವೆ ನಿರ್ವಹಣಾ ಕಾರ್ಯಗಳಿಗೆ ಕೂಡ ಇದೊಂದು ತೊಡಕಾಗಿ ಪರಿಣಮಿಸಿದೆ. ರೈಲು ಮಾರ್ಗದ ಇನ್ನಿತರ ಮೂಲಸೌಕರ್ಯಗಳೂ ಹಾಳಾಗುತ್ತಿವೆ ಎಂದು ವಿವರಿಸಿದರು. 2016-17ರ ವೇಳೆಗೆ ಎಲ್ಲಾ ಹೊಸ ಬೋಗಿಗಳಿಗೆ ಪರಿಸರ ಸ್ನೇಹಿ ಜೈವಿಕ ಶೌಚಾಲಯಗಳನ್ನು ಅಳವಡಿಸಲಾಗುವುದು. ಹಾಗೆಯೇ, 2021-22ರ ವೇಳೆಗೆ ರಾಷ್ಟ್ರದ ಎಲ್ಲಾ ಪ್ಯಾಸೆಂಜರ್ ರೈಲುಗಳ ಬೋಗಿಗಳಿಗೆ ಇದನ್ನು ಅಳವಡಿಸಿ, ತೆರೆದ ಶೌಚಾಲಯ ವ್ಯವಸ್ಥೆಯನ್ನು ನಿರ್ಮೂಲನೆ ಮಾಡಲಾಗುವುದು ಎಂದರು.