ಲಂಡನ್ (ಪಿಟಿಐ): ಕೊಲ್ಲಿ ರಾಷ್ಟ್ರಗಳಲ್ಲಿ ಮನೆಗೆಲಸದ ಹೆಸರಿನಲ್ಲಿ ಜೀತ ಮಾಡುತ್ತಿರುವ ದಕ್ಷಿಣ ಏಷ್ಯಾದ ಸುಮಾರು ಒಂದು ಲಕ್ಷ ಮಹಿಳೆಯರನ್ನು ರಕ್ಷಿಸಲು ಬ್ರಿಟನ್ ಸರ್ಕಾರ ನೂತನ ಯೋಜನೆ ಹಾಕಿಕೊಂಡಿದೆ.
ಭಾರತ, ನೇಪಾಳ, ಬಾಂಗ್ಲಾದೇಶ ಸೇರಿದಂತೆ ದಕ್ಷಿಣ ಏಷ್ಯಾದಿಂದ ಕೊಲ್ಲಿ ರಾಷ್ಟ್ರಗಳಿಗೆ ತೆರಳಿ ಅಲ್ಲಿ ಜೀತ ಮಾಡುವ ಮಹಿಳೆಯರನ್ನು ರಕ್ಷಿಸಲು ಬ್ರಿಟನ್ ಸರ್ಕಾರ ಸುಮಾರು ರೂ 88 ಕೋಟಿ ( 97.5 ಲಕ್ಷ ಪೌಂಡ್ ) ಹೂಡಿಕೆ ಮಾಡಲು ನಿರ್ಧರಿಸಿದೆ.
`ಐದು ವರ್ಷ ಅವಧಿಯ ಈ ಯೋಜನೆ ಇಂಥ ಮಹಿಳೆಯರಿಗೆ ಆಶಾಕಿರಣವಾಗಲಿದೆ' ಎಂದು ಬ್ರಿಟನ್ ಸಚಿವರಾದ ಲೈನ್ ಫೆತರ್ಸ್ಟೋನ್ ಹೇಳಿದ್ದಾರೆ.