ಲಂಡನ್, (ಪಿಟಿಐ): ಲಿಬಿಯಾದ ಪದಚ್ಯುತ ನಾಯಕ ಮುಅಮ್ಮರ್ ಗಡಾಫಿ ಅವರ ಮೂರನೇ ಪುತ್ರ ಸಾದಿ ಗಡಾಫಿ, ತನ್ನ ಇಬ್ಬರು ಸಹೋದರರನ್ನು ಬಿಟ್ಟು, ದೇಶ ತೊರೆದು ಪಕ್ಕದ ನೈಗರ್ಗೆ ಪಲಾಯನ ಮಾಡಿದ್ದಾನೆ.
ಬೆಂಗಾವಲು ವಾಹನಗಳಲ್ಲಿ ಲಿಬಿಯಾದ ಸಹರಾನ್ ಮರುಭೂಮಿ ಗಡಿಯನ್ನು ಸಾದಿ ದಾಟಿದ್ದಾನೆ. ಅವನನ್ನು ಸ್ಥಳೀಯ ಸೇನಾ ಪಡೆಗಳು ತಡೆಗಟ್ಟಿವೆ ಎಂದು ನೈಗರ್ನ ಕಾನೂನು ಸಚಿವ ಮರು ಅಮದು ಭಾನುವಾರ ರಾತ್ರಿ ಹೇಳಿದ್ದಾರೆ. ಸಾದಿ, ಬೆಂಗಾವಲು ವಾಹನಗಳೊಂದಿಗೆ ಉತ್ತರದ ಅಗಾದೆಜ್ ಪಟ್ಟಣ ತಲುಪಿದ್ದಾನೆ.
ತೌರೆಗ್ ಬುಡಕಟ್ಟು ನಾಯಕರು ಹಾಗೂ ಗಡಾಫಿಯ ಉನ್ನತ ಅಧಿಕಾರಿಗಳು ಇತ್ತೀಚೆಗೆ ಆಶ್ರಯ ಪಡೆದಿದ್ದ ರಾಜಧಾನಿ ನೈಮೆ ಕಡೆ ಸಾಗಿದ್ದಾನೆ ಎಂದು ಅವರು ಹೇಳಿದ್ದಾರೆ.