ಲೇಹ್/ನವದೆಹಲಿ (ಪಿಟಿಐ): ಚೀನಾ ಭಾರತ ಭೂ ಗಡಿ ಮಾತ್ರವಲ್ಲ ವಾಯು ಗಡಿಯನ್ನೂ ಅತಿಕ್ರಮಿಸಿದ್ದು, ಭಾರತದ ವಾಯುಪ್ರದೇಶದೊಳಗೆ ಚೀನಾದ 2 ಮಿಲಿಟರಿ ಹೆಲಿಕಾಪ್ಟರ್ಗಳು ಹಾರಾಡಿವೆ.
ಕಳೆದ 21ರಂದೇ ಲೇಹ್ನಿಂದ ಈಶಾನ್ಯಕ್ಕೆ ಸುಮಾರು ನೂರು ಕಿ.ಮೀ. ದೂರದಲ್ಲಿ ಭಾರತದ ವಾಯುಪ್ರದೇಶದೊಳಗೆ ನುಗ್ಗಿದ ಚೀನಾದ 2 ಮಿಲಿಟರಿ ಹೆಲಿಕಾಪ್ಟರ್ಗಳು ಭಾರತದೊಳಗೆ ಆಹಾರ ಪೊಟ್ಟಣ, ಸಿಗರೇಟು ಹಾಗೂ ಸ್ಥಳಿಯ ಭಾಷೆಯಲ್ಲಿ ಬರೆದ ಕಾಗದಗಳನ್ನು ಎಸೆದು ಹೋಗಿವೆ ಎಂಬ ವಿಷಯ ತಡವಾಗಿ ಬೆಳಕಿಗೆ ಬಂದಿದೆ.
ಈ ಘಟನೆ ಚೀನಿ ಸೈನಿಕರು ಭಾರತದ ಗಡಿಯೊಳಗೆ ನುಗ್ಗಿದ 5 ದಿನದ ನಂತರ ಘಟಿಸಿದೆ ಎಂದು ತಿಳಿದು ಬಂದಿದೆ.
ಈ ಹಿನ್ನೆಲೆಯಲ್ಲಿ ಗಡಿ ಪ್ರದೇಶದಲ್ಲಿ ಹೆಚ್ಚಿನ ಪಡೆಗಳನ್ನು ಭಾರತ ನಿಯೋಜಿಸಿದ್ದು ಎಲ್ಲೆಡೆ ಕಟ್ಟೆಚ್ಚರ ವಹಿಸಿದೆ.