ವಿಜಯನಗರದಲ್ಲಿ ದಸರಾ ಈಜು ಶಿಬಿರ
ಮಹಾನಗರ ಪಾಲಿಕೆಯ ಈಜುಕೊಳದಲ್ಲಿ ದಸರಾ ರಜೆಯಲ್ಲಿ ಮಕ್ಕಳು ಮತ್ತು ಅವರ ಪೋಷಕರಿಗೆ ಈಜು ಕಲಿಸಲು ಹಂಪಿನಗರದಲ್ಲಿರುವ (ಆರ್‌ಪಿಸಿ ಲೇಔಟ್) `ವಿಜಯನಗರ ಸ್ವಿಮ್ ಸೆಂಟರ್~ ಈ ತಿಂಗಳ 10ರಿಂದ ವಿಶೇಷ ಕಲಿಕಾ ಶಿಬಿರವನ್ನು ಹಮ್ಮಿಕೊಂಡಿದೆ.
`ಶಿಬಿರದಲ್ಲಿ ಪ್ರಾಥಮಿಕ ಹಂತದ ಈಜು ಕಲಿಸುವುದರ ಜತೆಗೆ ರಾಜ್ಯ ಮತ್ತು ರಾಷ್ಟ್ರಮಟ್ಟದ ಈಜು ಸ್ಪರ್ಧೆಗಳಲ್ಲಿ ಸ್ಪರ್ಧಿಸಲು ಮಕ್ಕಳು ಮತ್ತು ಯುವಕರಿಗೆ ವೃತ್ತಿಪರ ತರಬೇತಿಯನ್ನೂ ನೀಡಲಾಗುವುದು. ಸ್ವಚ್ಛತೆ ಮತ್ತು ಬಹುಮುಖ್ಯವಾಗಿ ಈಜು ಅಭ್ಯಾಸಿಗಳ ಸುರಕ್ಷತೆಗೆ ಹೆಚ್ಚಿನ ಆದ್ಯತೆ ಕೊಡಲಾಗುವುದು~ ಎಂದು ಸೆಂಟರ್‌ನ ಮುಖ್ಯಸ್ಥ ಎ.ಕುಮಾರ್ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.
`ಶಿಬಿರದ ಅವಧಿಯಲ್ಲಿ ಮಕ್ಕಳಿಗಾಗಿ ಐದು ತಂಡಗಳಲ್ಲಿ, ಮಹಿಳೆಯರು ಮತ್ತು ಪುರುಷರಿಗೆ ತಲಾ ಎರಡು ತಂಡಗಳಲ್ಲಿ ಪ್ರತ್ಯೇಕ ಈಜು ತರಬೇತಿ ತರಗತಿಗಳನ್ನು ನಡೆಸಲಾಗುವುದು. ಶಿಬಿರದ ಸಮಯ ಮತ್ತಿತರ ವಿವರಗಳಿಗೆ ದೂರವಾಣಿ: 080- 23407604, ಮೊಬೈಲ್- 9900916868 ಸಂಪರ್ಕಿಸಬಹುದು~ ಎಂದು ಅವರು ಹೇಳಿದ್ದಾರೆ.
