ನವದೆಹಲಿ (ಐಎಎನ್‌ಎಸ್): ಪ್ರಸಕ್ತ ಹಣಕಾಸು ವರ್ಷದಲ್ಲಿ ನಿಗದಿಪಡಿಸಿರುವ ಶೇ 4.6ರಷ್ಟು ವಿತ್ತೀಯ ಕೊರತೆ ಸಮತೋಲನ ಕಾಯ್ದುಕೊಳ್ಳುವ ಭರವಸೆಯನ್ನು ಕೇಂದ್ರ ಸರ್ಕಾರ ಹೊಂದಿದೆ.
ನೇರ ಮತ್ತು ಪರೋಕ್ಷ ತೆರಿಗೆ ವರಮಾನ ಹೆಚ್ಚಿದೆ. ದಾಖಲೆ ರಫ್ತು ವಹಿವಾಟು ದಾಖಲಾಗಿದೆ. ಈ ಹಿನ್ನೆಲೆಯಲ್ಲಿ ಬಜೆಟ್‌ನಲ್ಲಿ ಅಂದಾಜಿಸಲಾಗಿರುವ ವಿತ್ತೀಯ ಕೊರತೆ ಗುರಿ ತಲುಪಬಹುದು. ಒಟ್ಟಾರೆ ವೃದ್ಧಿ ದರ ಕುಸಿಯುವ ಸೂಚನೆಗಳಿದ್ದರೂ, ವಿತ್ತೀಯ ಕೊರತೆ ಗುರಿಯಲ್ಲಿ ವ್ಯತ್ಯಾಸವಾಗುವುದಿಲ್ಲ ಎಂದು ಹೇಳಿದೆ.
ಅಂಕಿ ಅಂಶಗಳ ಪ್ರಕಾರ ಏಪ್ರಿಲ್-ಜೂನ್ ಅವಧಿಯಲ್ಲಿ ರೂ 1,62,653 ಕೋಟಿ ವಿತ್ತೀಯ ಕೊರತೆ ದಾಖಲಾಗಿದೆ. 2013ರ ವೇಳೆಗೆ ವಿತ್ತೀಯ ಕೊರತೆಯನ್ನು ಶೇ 3.5ಕ್ಕೆ ಇಳಿಸುವ ಗುರಿಯನ್ನು ಸರ್ಕಾರ ಹೊಂದಿದೆ.
