`ದಿ ಡರ್ಟಿ ಪಿಕ್ಚರ್~ ಎಷ್ಟು ಹಣ ಬಾಚಿಹಾಕಿತು ಎಂಬುದಕ್ಕಿಂತ ಹೆಚ್ಚಾಗಿ ವಿದ್ಯಾ ಬಾಲನ್ ಬದಲಾದ ಇಮೇಜಿನಿಂದ ಸದ್ದು ಮಾಡಿದ್ದು. `ಪ್ಯಾರ ಕೆ ಸೈಡ್ ಎಫೆಕ್ಟ್ಸ್~ ಚಿತ್ರದ ಮುಂದುವರಿದ ಭಾಗ ನಿರ್ಮಿಸಲು ಪ್ರಿತಿಶ್ ನಂದಿ ಪ್ರೊಡಕ್ಷನ್ ಅದಾಗಲೇ ಸಜ್ಜಾಗಿದ್ದು, ಮಲ್ಲಿಕಾ ಶೆರಾವತ್ ಜಾಗಕ್ಕೆ ವಿದ್ಯಾ ಅವರನ್ನು ತಂದು ಕೂರಿಸಲು ಆ ಸಂಸ್ಥೆ ನಿರ್ಧರಿಸಿದೆ.
ಕೇವಲ ಗಂಭೀರ ಹಾಗೂ ಅಭಿನಯ ಪ್ರಧಾನ ಪಾತ್ರಗಳಷ್ಟೇ ಇದುವರೆಗೆ ವಿದ್ಯಾ ಅವರನ್ನು ಹುಡುಕಿಕೊಂಡು ಬರುತ್ತಿದ್ದವು. ಈಗ ಅವರ ಇಮೇಜ್ ಸಂಪೂರ್ಣ ಬದಲಾಗಿದ್ದು, ಮಲ್ಲಿಕಾ ಶೆರಾವತ್ ತಹರದ ಬಿಚ್ಚಮ್ಮಗಳೂ ಬೆಚ್ಚಿಬೀಳುವಂತಾಗಿದೆಯಂತೆ. ಸದ್ಯಕ್ಕೆ `ಯುಟಿವಿ~ಯ ಅಧಿಕಾರಿ ಜೊತೆ ಡೇಟಿಂಗ್ ನಡೆಸುತ್ತಿದ್ದಾರೆಂಬ ಗಾಸಿಪ್ನ ಭಾಗವಾಗಿರುವ ವಿದ್ಯಾ ಮುಂದೊಂದು ದಿನ ಮದುವೆ ಕೂಡ ಆಗಲಿದ್ದಾರೆ. ಯಾರನ್ನು ಆಗುತ್ತಾರೆಂಬುದು ಮಾತ್ರ ಇನ್ನೂ ಗುಟ್ಟು.