ನವದೆಹಲಿ (ಪಿಟಿಐ): ಒಂದರ ಮೇಲೊಂದು ಹಬ್ಬಗಳು, ರಜೆಗಳು ಬರುತ್ತಿರುವ ಹಿನ್ನೆಲೆಯಲ್ಲಿ ರೈಲು ಮತ್ತು ಬಸ್ ಪ್ರಯಾಣಿಕರ ನೂಕುನುಗ್ಗಲು ಹೆಚ್ಚಿದೆ. ಮುಂಗಡ ಟಿಕೆಟ್‌ಗಳು ಈಗಾಗಲೇ ಮಾರಾಟವಾಗಿವೆ. ಇದರಿಂದ ವಿಮಾನ ಪ್ರಯಾಣವೂ ದುಬಾರಿಯಾಗಿದೆ. "
ವೆುಟ್ರೊ ನಗರಗಳಿಂದ ಮೆಟ್ರೊ ನಗರಗಳಿಗೆ ನೇರ ಸಂಪರ್ಕ ಕಲ್ಪಿಸುವ ವಿಮಾನಯಾನ ಸಂಸ್ಥೆಗಳು ಟಿಕೆಟ್ ದರವನ್ನು ಗಣನೀಯವಾಗಿ ಹೆಚ್ಚಿಸಿವೆ. ಹಬ್ಬ ಮತ್ತು ರಜಾ ಕಾಲದ ಸಂಪೂರ್ಣ ಲಾಭವನ್ನು ಪಡೆಯಲು ಸಿದ್ಧಗೊಂಡಿರುವ ವಿಮಾನಯಾನ ಕಂಪೆನಿಗಳು, ಎರಡು ಮೂರು ದಿನ ಅಂತರದ ಏಕಮುಖ ಸಂಚಾರದ ದರವನ್ನು ್ಙ14 ಸಾವಿರದಿಂದ ್ಙ30 ಸಾವಿರದವರೆಗೆ ಹೆಚ್ಚಿಸಿವೆ.
ಹೆಚ್ಚಿನ ಬೇಡಿಕೆ ಇರುವ ಕೋಲ್ಕತ್ತ-ದೆಹಲಿ, ರಾಂಚಿ-ದೆಹಲಿ, ಮಾರ್ಗದ ಟಿಕೆಟ್‌ಗಳು ಈಗಾಗಲೇ ಮಾರಾಟವಾಗಿದ್ದು, ಆನ್‌ಲೈನ್ ಮೂಲಕ ಟಿಕೆಟ್ ಕಾಯ್ದಿರಿಸಬಹುದಾದ ತಾಣಗಳು ತಾತ್ಕಾಲಿಕವಾಗಿ ಸೇವೆ ಸ್ಥಗಿತಗೊಳಿಸಿವೆ. ಇಂತಹ ತಾಣಗಳಲ್ಲಿ ಹೆಚ್ಚುವರಿ ವಿಮಾನ ಸೇವೆ ಲಭ್ಯವಿದ್ದರೂ, ಟಿಕೆಟ್‌ಗಳ ದರಗಳು ಗಗನಮುಖಿಯಾಗಿವೆ.
