ಬೆಂಗಳೂರು: ಬೆಂಗಳೂರು ವಿಶ್ವವಿದ್ಯಾಲಯವು ಶ್ರೀಕಂಠದತ್ತ ನರಸಿಂಹರಾಜ ಒಡೆಯರ್ ನಿಧನದ ಕಾರಣ ಡಿ.11 ರಂದು ಮುಂದೂಡಿದ್ದ ಪರೀಕ್ಷೆಗಳ ಪರಿಷ್ಕೃತ ವೇಳಾಪಟ್ಟಿ ಪ್ರಕಟಿಸಿದೆ.
ಡಿ.11 ರಂದು ನಡೆಯಬೇಕಿದ್ದ ಬಿ.ಎ/ಬಿ.ಎಸ್ಸಿ 1ನೇ ಸೆಮಿಸ್ಟರಿನ ಪರೀಕ್ಷೆಗಳು ಶುಕ್ರವಾರ (ಡಿ.13) ಬೆಳಿಗ್ಗೆ 9.30ಕ್ಕೆ, 5ನೇ ಸೆಮಿಸ್ಟರಿನ ಪರೀಕ್ಷೆಗಳು ಮಧ್ಯಾಹ್ನ 2ಕ್ಕೆ ನಡೆಯಲಿವೆ.
ಎಲ್.ಎಲ್.ಬಿ 1 ಮತ್ತು 5ನೇ ಸೆಮಿಸ್ಟರಿನ ಪರೀಕ್ಷೆಗಳು ಡಿ.31 ರಂದು ಬೆಳಿಗ್ಗೆ 9.30ಕ್ಕೆ ಹಾಗೂ 4 ಮತ್ತು 8ನೇ ಸೆಮಿಸ್ಟರಿನ ಪರೀಕ್ಷೆಗಳು ಮಧ್ಯಾಹ್ನ 2ಕ್ಕೆ ನಡೆಯಲಿವೆ ಎಂದು ಪ್ರಕಟಣೆ ತಿಳಿಸಿದೆ. ಮಾಹಿತಿಗೆ ಕುಲಸಚಿವರ (ಮೌಲ್ಯಮಾಪನ) ಕಚೇರಿ, ಪರೀಕ್ಷಾ ಭವನ, ಜ್ಞಾನಭಾರತಿ ಆವರಣ, ಬೆಂಗಳೂರು ವಿವಿ ಸಂಪರ್ಕಿಸಲು ಕೋರಿದೆ.