ವಿಶ್ವಸಂಸ್ಥೆ ಕೈಸೇರಿದ ಸಿರಿಯಾ ಪತ್ರ

ವಿಶ್ವಸಂಸ್ಥೆ (ಪಿಟಿಐ): ರಾಸಾಯನಿಕ ಅಸ್ತ್ರಗಳ ತಯಾರಿಕೆ ಹಾಗೂ ಅವುಗಳ ಬಳಕೆಯ ಮೇಲೆ ನಿರ್ಬಂಧ ಹೇರಲು ಅವಕಾಶ ಕಲ್ಪಿಸುವ ‘ರಾಸಾಯ ನಿಕ ಅಸ್ತ್ರಗಳ ನಿಷೇಧ ಸಂಘಟನೆ’ಗೆ ಸೇರ್ಪಡೆಗೆ ಸಂಬಂಧಿಸಿ ಸಿರಿಯಾ ಸರ್ಕಾರದ  ಒಪ್ಪಂದದ ದಾಖಲೆ ಪತ್ರಗಳು ತನ್ನ ಕೈಸೇರಿವೆ ಎಂದು ವಿಶ್ವಸಂಸ್ಥೆ ತಿಳಿಸಿದೆ.

‘ಈ ಸಂಬಂಧದ ಪತ್ರವೊಂದನ್ನು ವಿಶ್ವಸಂಸ್ಥೆ ಮಹಾಪ್ರಧಾನ ಕಾರ್ಯದರ್ಶಿ ಬಾನ್‌ ಕಿ ಮೂನ್‌ ಅವರು ಸಿರಿಯಾ ಸರ್ಕಾರದಿಂದ ಸ್ವೀಕರಿಸಿದ್ದು, ರಾಸಾಯನಿಕ ಅಸ್ತ್ರಗಳ ಬಳಕೆ ನಿಷೇಧದ ಪ್ರಸ್ತಾಪಕ್ಕೆ ಅಲ್ಲಿಯ ಅಧಕ್ಷರು ಸಹಿ ಹಾಕಿದ್ದಾರೆ’ ಎಂದು ವಿಶ್ವಸಂಸ್ಥೆ ಹೊರಡಿಸಿದ ಹೇಳಿಕೆಯಲ್ಲಿ ತಿಳಿಸಲಾಗಿದೆ.
ರಾಸಾಯನಿಕ ಅಸ್ತ್ರಗಳ ಬಳಕೆ ಮೇಲೆ ವಿಧಿಸಲಾಗಿ ರುವ ನಿರ್ಬಂಧವನ್ನು ಪಾಲಿಸುವ ಕುರಿತು ಸಿರಿಯಾ ಅಧಿಕಾರಿಗಳು ಬದ್ಧತೆಯನ್ನೂ ಈ ಪತ್ರದಲ್ಲಿ ವ್ಯಕ್ತಪಡಿಸಿ ದ್ದಾರೆ ಎಂದು ವಿಶ್ವಸಂಸ್ಥೆ ತಿಳಿಸಿದೆ.

ಸಿರಿಯಾದ ಈ ಕ್ರಮವನ್ನು ಮೂನ್ ಸ್ವಾಗತಿಸಿದ್ದು, ಈ ಸಂಬಂಧ ಜಿನಿವಾದಲ್ಲಿ ನಡೆಯುತ್ತಿರುವ ಮಾತುಕತೆ ಶೀಘ್ರ ಒಪ್ಪಂದವೊಂದಕ್ಕೆ ಬರಲು ನೆರವಾಗುತ್ತದೆ ಎಂಬ ಆಶಯ ವ್ಯಕ್ತಪಡಿಸಿದರು.