ಓಸ್ಲೊ (ಎಎಫ್‌ಪಿ): ಪಾಕಿಸ್ತಾನದಲ್ಲಿ ಹೆಣ್ಣು ಮಕ್ಕಳ ಶಿಕ್ಷಣಕ್ಕಾಗಿ ಹೋರಾಡುತ್ತಿರುವ ಮಲಾಲಾ ಯೂಸುಫ್‌ಝೈ ಹಾಗೂ ಮಾನವ ಹಕ್ಕುಗಳ ಕಾರ್ಯಕರ್ತರಾದ ಬೆಲಾರಸ್‌ನ ಅಲೆಸ್ ಬೆಲ್ಯಾಟ್‌ಸ್ಕಿ ಮತ್ತು ರಷ್ಯಾದ ಲ್ಯುಡ್‌ಮಿಲಾ ಅಲೆಕ್ಸೆಯೆವಾ ನೊಬೆಲ್ ಶಾಂತಿ ಪ್ರಶಸ್ತಿಗೆ ನಾಮ ನಿರ್ದೇಶನಗೊಂಡಿದ್ದಾರೆ.
ಈ ಹಿಂದೆ ನೊಬೆಲ್ ಶಾಂತಿ ಪ್ರಶಸ್ತಿ ಪಡೆದವರು, ಸಂಸದರು, ವಿಶ್ವವಿದ್ಯಾಲಯದ ಪ್ರಾಧ್ಯಾಪಕರು ಹಾಗೂ ಅಂತರರಾಷ್ಟ್ರೀಯ ಸಂಸ್ಥೆಗಳ ಸದಸ್ಯರು ಈ ಪ್ರಶಸ್ತಿಗೆ ಹೆಸರುಗಳನ್ನು ಸೂಚಿಸಬಹುದು. ಅಲ್ಲದೇ ತಾವು ಸೂಚಿಸಿರುವ ಹೆಸರುಗಳನ್ನು ಬಹಿರಂಗಪಡಿಸುವ ಅವಕಾಶ ಇವರಿಗೆ ಇರುತ್ತದೆ.
ಫ್ರಾನ್ಸ್, ಕೆನಡಾ, ನಾರ್ವೆ ಸಂಸದರು ಪ್ರತ್ಯೇಕವಾಗಿ ಈ ಪ್ರಶಸ್ತಿಗೆ ಮಲಾಲಾ ಹೆಸರನ್ನು ಪ್ರಸ್ತಾಪಿಸಿದ್ದಾರೆ.
ನಾರ್ವೆಯ ಸಂಸದರಿಬ್ಬರು ಬೆಲ್ಯಾಟ್‌ಸ್ಕಿ ಮತ್ತು ಅಲೆಕ್ಸೆಯೆವಾ ಹೆಸರು ಪ್ರಸ್ತಾಪಿಸಿದ್ದಾರೆ.
