ಪ್ರಸ್ತುತ ಶೈಕ್ಷಣಿಕ ವರ್ಷದಲ್ಲಿ ರಾಜ್ಯದಲ್ಲಿರುವ ಸರ್ಕಾರಿ ಪ್ರಾಥಮಿಕ ಹಾಗೂ ಪ್ರೌಢಶಾಲೆಗಳಲ್ಲಿ ಸಂಗೀತ ಶಿಕ್ಷಕರ ಹುದ್ದೆ ಖಾಲಿ ಇದೆ. ಸರ್ಕಾರ ಈ ಹಿಂದೆ ಮೊರಾರ್ಜಿ ವಸತಿ ಶಾಲೆಗಳಿಗೆ ಸಂಗೀತ ಶಿಕ್ಷಕರ ನೇಮಕಾತಿ ಅರ್ಜಿ ಕರೆದಿತ್ತು. ಆದರೆ, ಅಂದಿನ ನೇಮಕಾತಿ ಆದೇಶದಲ್ಲಿ ಶಿಕ್ಷಕರ (ಸಂಗೀತ) ಅರ್ಹತೆಯನ್ನು ಬಿ. ಮ್ಯೂಸಿಕ್ ಸ್ನಾತಕಪದವಿ ಆಗಿರಬೇಕು ಎಂದು ಸೂಚಿಸಲಾಗಿತ್ತು.
ಸಂದರ್ಶನ ಸಂದರ್ಭದಲ್ಲಿ ಸ್ನಾತಕಪದವಿ ಬದಲಾಗಿ ಸ್ನಾತಕೋತ್ತರ ಪದವಿ ಪರಿಗಣಿಸಿ ನೇಮಕಾತಿ ಮಾಡಿಕೊಳ್ಳಲಾಗಿತ್ತು. ಈ ರೀತಿ ವಿದ್ಯಾರ್ಹತೆಯ ಮಾನದಂಡದ ಗೊಂದಲದಿಂದಾಗಿ ಬಿ.ಮ್ಯೂಸಿಕ್ (ಸ್ನಾತಕಪದವಿ) ಪಡೆದವರಿಗೆ ಅನ್ಯಾಯ-ವಾದಂತಾಗಿತ್ತು. ಅಂದು ಸ್ನಾತಕಪದವಿ ಪಡೆದ ನೂರಾರು ಪದವಿೋಧರರು ಸ್ನಾತಕೋತ್ತರ ಪದವಿಯನ್ನು ಪೂರೈಸಿ ಇಂದಿಗೂ ಉದ್ಯೋಗವಿಲ್ಲದೇ ಅಲೆದಾಡುತ್ತಿದ್ದಾರೆ. ಖಾಲಿ ಇರುವ ಸಂಗೀತ ಶಿಕ್ಷಕರ ಹುದ್ದೆಗಳ ನೇಮಕಾತಿಗಾಗಿ ಎದುರು ನೋಡುತ್ತಿದ್ದಾರೆ. ಸರ್ಕಾರ ಶೀಘ್ರ ನೇಮಕಾತಿ ಮಾಡಲಿ.